Viðfangsefni áfangans eru þrek-, kraft-, þol- og tækniþjálfun auk þess sem nemendur kynnast nokkrum greinum frjálsra íþrótta og er sérstök áhersla lögð á kastgreinar. Einnig verður farið í reglur og mælingar og haldið frjálsíþróttamót.
Engar
Nemandi skal hafa öðlast þekkingu og skilning á:
mikilvægi góðrar og vel uppsettrar upphitunar sem hluti af æfingu
hvernig hægt er að bæta þrek, kraft og þol með skipulögðum æfingum
grunnreglum helstu greina frjálsra íþrótta
grunntækniatriðum í kúluvarpi, kringlu- og spjótkasti við það að iðka þær greinar
reglum varðandi mælingar í nokkrum greinum frjálsra íþrótta
Nemandi skal hafa öðlast leikni í að:
framkvæma góða og skipulagða upphitun til undirbúnings fyrir æfingu
útfæra og framkvæma grunntækniatriði nokkur frjálsíþróttagreina
mæla tíma og lengdir í nokkrum greinum frjálsra íþrótta
Nemandi skal geta hagnýtt þá almennu þekkingu og leikni sem hann hefur aflað sér til að:
meta mikilvægi þess að finna sér hreyfingu sem viðkomandi hefur áhuga á
halda sér í góðu líkamlegu formi
starfa við frjálsíþróttamót
Í áfanganum eru engin verkefnaskil heldur þurfa nemendur að standast mætingarkröfur áfangans. Áfanginn er metinn út frá mætingu, virkni og jákvæðni.