Í áfanganum er lögð áhersla á íslenskan orðaforða, framburð, hlustun, lestrarfærni og skilning. Áfanginn er hugsaður fyrir þá nemendur sem þurfa frekari undirbúning og aðstoð í íslensku til að geta stundað nám í íslenskum framhaldsskólum. Markmiðið er að nemendur hljóti þjálfun í að koma hugmyndum sínum á framfæri í töluðu og rituðu máli, auki tjáningarfærni, orðaforða, málnotkun og lestrarfærni. Lögð er áhersla á hópefli, samvinnu og samskipti og að nemendur fá þjálfun í tjáningu og orðforða í íslensku. Nemendur fá einnig fræðslu og innsýn í íslenska menningu s.s. þjóðbúninga, þjóðdansa, sögu og menningu nærumhverfis. Nemendur hljóta þjálfun og leiðsögn um það hvernig þeir geta bjargað sér við vissar aðstæður, t.d. spyrja til vegar eða fá aðstoð út í búð. Nemendur fá leiðsögn við gerð námsáætlana, námsmarkmiða og aðstoð við að finna út hvaða námstækni hentar þeim best. Nemendur kynna heimalönd sín í tali og/eða á myndrænan hátt, áhersla er lögð á orðaleiki, að spila tungumálaspil, sagnorðaspil og farið er í leiki. Nemendur fá kynningu á skólanum, heimsækja verkstæði og brautir skólans og leitast er við að gera þá sjálfbjarga innan sem utan skóla.
og lestrarfærni og hljóti fyrst og fremst málfræðikennslu í tengslum við málnotkun. Nemendur fái einnig fræðslu og innsýn í íslenska menningu.
Engar
Nemandi skal hafa öðlast þekkingu og skilning á:
góðum vinnubrögðum, námstækni og mikilvægi markmiðssetninga
helstu grunnatriðum í málfræði og málnotkun
mikilvægi tungumálsins í daglegu lífi
mæltu og rituðu íslensku máli
mikilvægi og tilgangi þess að auka orðaforða sinn
mikilvægi lestrar og lesskilnings
mikilvægi menningar, sögu og nærumhverfis
Nemandi skal hafa öðlast leikni í að:
auka orðaforða og málskilning
skrifa einfaldan texta í samfelldu máli
lesa einfaldan texta af ýmsu tagi sér til gagns t.d. til að átta sig á staðarháttum
lesa til gamans texta af ýmsu tagi
rýna í menningu og nærumhverfi
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér góð vinnubrögð, góða námstækni og setja sér námsmarkmið
nýta sér mælt mál og ritað í daglegu lífi t.d. til að kynna sig og taka þátt í samræðum
auka almenna færni sína í íslensku máli, menningu og samfélagi
tjá sig munnlega um það sem varðar námið og daglegt líf
nýta sér almenn hjálpargögn við íslenskunám
leita sér upplýsinga innan skólans og í nærumhverfi
Í áfanganum er viðhaft leiðsagnarmat með símati alla önnina. Verkefni nemenda, jafnt munnleg sem skrifleg, eru metin til einkunnar ásamt prófverkefnum sem lögð eru fyrir í lok hvers námsþáttar. Áhersla á eintaklingsmiðað námsmat.