Um bekkjarkennslu er að ræða og fer kennslan að mestu leyti fram á dönsku. Lögð er áhersla á að nemendur séu sjálfstæðir í vinnubrögðum, geri sér grein fyrir eigin ábyrgð, geti fylgst með framvindu í námi sínu og metið eigin færni skv. Nemendur vinna ýmist sjálfstætt, í pörum eða í hópum. Áhersla er á notkun upplýsingatækni og vinna nemendur að stærri verkefnum sem þeir gera grein fyrir bæði skriflega og munnlega í bekknum. Fimm þættir tungumálanáms eru þjálfaðir jafnt og þétt og er ætlast til að nemendur hafi öðlast hæfni B2 í lestri og ritun samkvæmt Evrópsku tungumálamöppunni. Í tali, samræðum og hlustun er hæfniviðmiðið B1. Í lok annar afhenda nemendur verkefnabók sína (portfoliomöppu) með helstu verkefnum annarinnar og gera grein fyrir efni hennar í munnlegu prófi.
DANS2MM05 (Mál, menning og máfræði)með einkunnina 5,0.
Nemandi skal hafa öðlast þekkingu og skilning á:
• möguleikum á námi og starfi í Danmörku og víðar
• grundvarallaruppbyggingu dansks samfélags
• orðaforða sem tengjast viðfangsefnum áfangans
• helstu hefðum um uppsetningu og skipulag ritaðs máls, s.s greinamerkjasetningu, gerð atvinnuumsókna, kynningarbæklinga og fréttagreina
Nemandi skal hafa öðlast leikni í að:
• skilja talaða ríkisdönsku með orðaforða daglegs máls ásamt því að skilja algengustu orðasambönd tungumálsins
• lesa mismunandi textagerðir og beita viðeigandi lestraraðferðum
• taka virkan þátt í daglegum samskiptum og beita málfari við hæfi þegar málið er talað hægt og skýrt
• tjá sig allvel um málefni sem hann hefur kynnt sér og undirbúið
• skrifa margs konar texta, formlega og óformlega, og fylgja helstu rithefðum
• geta fundið mismunandi upplýsingar á dönskum heimasíðum t.d. um nám og störf í Danmörku
Nemandi skal geta hagnýtt þá almennu þekkingu og leikni sem hann hefur aflað sér til að:
• skilja daglegt talað mál (B1), svo sem samræður og fjölmiðlaefni, ef hann þekkir umræðuefnið
• tileinka sér efni ritaðs texta og hagnýta á mismunandi hátt (B2)
• lesa texta þar sem ákveðin viðhorf eða skoðanir eru kynntar, átta sig á tilgangi og afstöðu textahöfundar og bregðast við eða tjá skoðanir sínar skriflega um efni þeirra (B2)
• taka þátt í einföldum skoðanaskiptum, færa rök fyrir máli sínu og svara mótbárum og gagnrökum á einfaldan hátt
• eiga frumkvæði í samræðum og bregðast við óvæntum spurningum og athugasemdum
• tjá sig á einfaldan hátt og beita dönsku við margs konar aðstæður (B1)
• geta útskýrt á einfaldan hátt sjónarmið varðandi efni sem er ofarlega á baugi (B1)
• skrifa margs konar læsilegan texta og fylgja þeim ritunarhefðum sem eiga við í hverju tilviki fyrir sig (B2)
• sækja um nám og starf í Danmörku
• vera ábyrgur notandi Netsins
• vinna í hópi með öðrum nemendum, skiptast á skoðunum og virða margvísleg sjónarmið
Í lok áfangans er skriflegt og munnlegt próf sem gildir á móti ýmis konar vinnu, verkefnum og ástundun nemandans á önninni. Námsmat verkefna annarinnar samanstendur af mati kennara, nemandans auk samnemenda hans. Skriflega lokaprófið samanstendur af: hlustun, lesskilningi, málnotkun (málfræði og ritun). Munnlega prófið er í lok annar þar sem nemandi velur eitt verkefni annarinnar og kennari annað og segir frá ásamt því að geta rætt um daglegt líf.