Áhersla er lögð á þjálfun í málnotkun við ritun, framsögn og lestur ásamt því að nemendur kynnist bókmenntum s.s. Íslendingasögum og þjóðsögum. Nemendur lesa skáldsögu að eigin vali á sínu móðurmáli og segja frá henni á íslensku á því formi sem nemendur velja t.d. með ritgerð, kynningu og/eða með myndrænum hætti. Fjallað er um íslenskan vinnumarkað, réttindi og skyldur á vinnumarkaði og nemendur gera starfsferilskrá á íslensku. Farið er í vinnustaðaheimsóknir og heimsóknir til verkalýðsfélaga. Nemendur þjálfi sjálfstæði í vinnubrögðum, notkun orðabóka, bætta námstækni og auki orðaforða sinn, framburðar- og lestrarfærni. Mikil áhersla lögð á jákvæð samskipti innan hópsins, samvinnu og vinnusemi.
ÍSAN1MR05
Nemandi skal hafa öðlast þekkingu og skilning á:
mikilvægi þess að auka orðaforða sinn og lestrarfærni
nytsemi orðabóka og námstækni
mæltu og rituðu íslensku máli
mikilvægi bókmennta í menningu þjóða
árangursríkum námsaðferðum og mikilvægi þeirra
íslenskum vinnumarkaði og hvernig sótt er um starf
Nemandi skal hafa öðlast leikni í að:
nota tungumálið og auka þannig orðaforða sinn og málskilning
lesa ýmsa texta sér til gagns og gamans
nota árangursríkar námsaðferðir
eiga góð samskipti við aðra og efla félagsþroska sinn
lesa sér til gagns og yndis á íslensku og eigin tungumáli
Nemandi skal geta hagnýtt þá almennu þekkingu og leikni sem hann hefur aflað sér til að:
vera virkur í námi sínu og sinna því samviskusamlega
semja stutta texta af ýmsu tagi
draga saman aðalatriði og beita gagnrýnni hugsun við lestur bókmennta
tjá sig munnlega og skriflega á góðu máli
nýta þau tæki og tækni sem auðveldar honum að læra íslenskuna
túlka og meta atburðarás, persónur og innihald í ýmsum bókmenntum á íslensku og eigin tungumáli
gera starfsferilskrá og sækja um starf
þekkja réttindi sín og skyldur á íslenskum vinnumarkaði
Í áfanganum er viðhaft leiðsagnarmat með símati alla önnina. Verkefni nemenda, jafnt munnleg sem skrifleg, eru metin til einkunnar ásamt verkefnum sem lögð eru fyrir í lok hvers námsþáttar. Áhersla á eintaklingsmiðað námsmat.