Nemendur þurfa að stunda íþrótt sína markvisst og skipulega 3-4 sinnum í viku að staðaldri undir handleiðslu þjálfara eða fagaðila. Nemendur þurfa að skila inn markmiðaáætlun til lengri tíma og fyrir önnina í upphafi. Nemendur þurfa að skila inn æfingadagbók eftir hverja viku. Í þessum áfanga er sérstök áhersla lögð á fótaæfingar (quick feed) og íþróttalífsstíl.
Engar
Nemandi skal hafa öðlast þekkingu og skilning á:
mikilvægi þess að þjálfun sé markviss og skipulögð til að ná árangri
líkamlegu formi og hvernig það er þjálfað markvisst og skipulega
markmiðaáætlun og hversu mikilvægt það er að setja sér mælanleg og raunhæf markmið til lengri og skemmri tíma
uppbyggingu þjálfunarprógrams
fótaæfingum (quick feed), hvernig þær eru framkvæmdar á fjölbreyttan hátt og hvers vegna þær eru mikilvægar í hinum ýmsu íþróttagreinum
þeim lífsstíl sem afreksíþróttafólk þarf að tileinka sér
Nemandi skal hafa öðlast leikni í að:
setja upp heilsteypta markmiðaáætlun
meta líkamlegt form sitt
meta kosti og galla sína sem íþróttamaður í þeirri íþróttagrein sem þeir iðka
útfæra og framkvæma sérhæfðar styrktaræfingar
meta mismunandi fótaæfingar (quick feed) og velja þær sem henta viðkomandi íþróttanemanda og íþróttagrein
meta hvað er rétt og hvað er rangt þegar kemur að lífsstíl afreksíþróttafólks
setja upp þjálfunarprógram þar sem unnið er með þau markmið sem nemandi hefur sett sér
Nemandi skal geta hagnýtt þá almennu þekkingu og leikni sem hann hefur aflað sér til að:
nýta þjálfun sína sem best til að ná sem bestum árangri í íþrótt sinni
útbúa sér markmiða- og þjálfunaráætlun sem tekur til mikilvægustu þátta þjálfunar sinnar út frá líkamlegu formi og getu viðkomandi
framkvæma æfingaprógram sjálfur, sem þjálfari, kennari eða nemandinn sjálfur hefur útbúið
nýta sér og framkvæma mismunandi þjálfunaraðferðir með áherslu á fótaæfingar (quick feed)
geta tekið þátt í umræðum um viðfangsefnin á faglegan og uppbyggilegan hátt
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni, áhuga og sjálfstæði.