Áfanginn fjallar um lífeðlisfræði mannslíkamans. Frumur, líffæri og líffærakerfi eru til umfjöllunar og starfsemi þeirra. Samanburður er gerður á starfsemi mannslíkamans og annarra spendýra.
Kennslan fer fram með innlögn í formi fyrirlestra og verkefnavinnu þar sem nemendur vinna sem einstaklingar eða í hópum. Verklegar æfingar eru einnig hluti kennslunnar þar sem nemendur vinna saman í hópum við verklegar æfingar og heimildavinnu.
Nemandi skal hafa öðlast þekkingu og skilning á:
• tengslum og samspili frumna, líffærakerfa og lífeðlisfræði mannsins
• sérhæfðum orðaforða lífeðlisfræðinnar á íslensku og ensku
• þáttum er varða heilbrigði og velferð
Nemandi skal hafa öðlast leikni í að:
• greina frumulíffæri
• lesa lífeðlisfræðilegrar upplýsingar úr texta og myndum
• skilja samspil mismunandi líffærakerfa við stjórn líkamsstarfseminnar
• meta áhrif lífshátta á heilbrigða þroskun og starfsemi líkamans
• afla frekari upplýsinga á sjálfstæðan hátt
• beita ýmiss konar rannsóknartækjum við verklegar æfingar til að dýpka skilning á námsefninu
Nemandi skal geta hagnýtt þá almennu þekkingu og leikni sem hann hefur aflað sér til að:
• miðla lífeðlisfræðilegum upplýsingum á gagnrýninn hátt
• tengja undirstöðuþekkingu í lífeðlisfræði við daglegt líf og sjá notagildi hennar
• taka ábyrgð á eigin lífsháttum m.t.t. lífeðlisfræðilegra þátta
• beita skipulegum aðferðum og skráningu við úrlausnir lífeðlisfræðilegra verkefna
• afla sér frekari þekkingar á sviði lífeðlisfræðinnar
• yfirfæra skilning sinn og þekkingu á tengdar lífverur
• taka upplýsta afstöðu til siðferðilegra álitamála og rökræða
• taka þátt í upplýstri umræðu og rökstyðja afstöðu til málefna er snerta lífeðlisfræði, tækni og samfélag
Lokapróf og vinnueinkunn sem er samsett úr verkefnavinnu (einstaklings og hópa), verklegum æfingum og hlutaprófum.