Það kom upp villa senda inn  Áfangi

    Áfangi Nánari upplýsingar


    Búið til: 1422556188.85

    Heildun, runur og raðir
    STÆR3EE05
    39
    stærðfræði
    Heildun, diffurjöfnur, runur og raðir
    Samþykkt af skóla
    3
    5
    Efni áfangans er stofnföll, heildun, hagnýting heildunar, runur, raðir og 1. stigs diffurjöfnur. Í heildun er farið yfir grunnheildi, óákveðið heildi, ákveðið heildi, táknmál heildunar, grundvallrreglur heildunar, flatarmálsreikning með heildun, heildunaraðferðir, rúmmál snúða og notkun heilda við lausn diffurjafna. Í runum og röðum er farið í skilgreiningu á runum og röðum, kynntar algengar gerðir runa og raða, farið í rakningarformúlur, jafnmunarunur, jafnhlutfallarunur, hlutsummur, hlutsummurunur og þrepasönnun. Í diffurjöfnum er farið í 1. stigs diffurjöfnur, m.a. 1. stigs línulegar diffurjöfnur og diffurjöfnur sem hægt er að leysa með aðskilnaði breytistærða. Í verkefnum áfangans fá nemendur að kynnast hagnýtingu stærðfræðinnar m.a. í raungreinum, tæknigreinum og hagfræði.
    Nemandi skal hafa öðlast þekkingu og skilning á:
    • stofnföllum
    • óákveðnum heildum
    • ákveðnum heildum
    • heildunaraðferðum, svo sem innsetningaraðferð, hlutheildun og heildun með liðun í stofnbrot
    • hvernig nota má heildun til að reikna flatarmál og rúmmál
    • runum, skilgreiningu og táknmáli
    • jafnmunarunum og jafnhlutfallarunum
    • summutákninu
    • röðum, skilgreiningu þeirra og tengslum við runur
    • diffurjöfnum, einkum 1. stigs diffurjöfnum
    • aðferðum við lausn á diffurjöfnum
    Nemandi skal hafa öðlast leikni í að:
    • finna stofnföll algengra falla
    • leysa óákveðin heildi
    • reikna ákveðin heildi
    • beita heildunaraðferðum við heildun
    • reikna flatarmál með aðferðum heildunar
    • reikna rúmmál snúða með heildun
    • reikna einfaldar gerðir af runum
    • beita rakningarformúlum til að reikna runur
    • reikna jafnmunarunur og jafnhlutfallarunur
    • nota summutáknið
    • reikna hlutsummur
    • reikna raðir og þekkja tengsl runu og raða
    • beita þrepasönnun við sönnun á reglum
    • leysa einfaldar 1. stigs diffurjöfnur
    Nemandi skal geta hagnýtt þá almennu þekkingu og leikni sem hann hefur aflað sér til að:
    • útskýra hvernig leysa má verkefni með aðferðum heildunar
    • gera sér grein fyrir hagnýtingu heildunar í háskólanámi og í atvinnulífinu
    • útskýra hvers konar verkefni hægt er að leysa með því að beita þekkingu og leikni í útreikningu á runum og röðum
    • gera sér grein fyrir mikilvægi þrepasönnunar í stærðfræði
    • klæða verkefni í stærðfræðilegan búning, leysa og túlka lausnina
    • gera sér grein fyrir hagnýtingu diffurjafna í vísindum og í daglegu lífi
    Námsmat er útfært í kennsluáætlun