Farið verður í skematíska framsetningu tengja, átturegluna, Lewis myndir teiknaðar og lögun sameinda skoðuð. Flokkun lífrænna efna skoðuð og IUPAC nafnakerfið. Aðeins verður kíkt á lífefnafræði. Einnig verður farið í sýru- og basa hvörf og jafnvægi á daufum sýrum og bösum. Lotubundnir eiginleikar efna verða skoðaðir og byrjað á rafefnafræði.
A.m.k. 10 einingar í efnafræði á 2. þrepi
Nemandi skal hafa öðlast þekkingu og skilning á:
því hvernig sameindir líta út í þrívíðu kerfi og hvernig hægt er að teikna þær upp með Lewis myndum
helstu nöfnum á lífrænum efnum og IUPAC kerfinu
títrun með daufum sýrum og bösum
helstu lotubundnu eiginleikum efna
grunnatriðum í rafefnafræði
grunnatriðum í lífefnafræði
Nemandi skal hafa öðlast leikni í að:
framkvæma verklegar æfingar og vinna úr niðurstöðum þeirra
sjá fyrir sér útlit nokkurra efna í þrívídd
teikna upp efnatengi með Lewis
finna IUPAC nöfn á lífrænum efnum
títra daufar sýrur og basa og geta reiknað út gildi
reikna út úr Nernst jöfnunni
Nemandi skal geta hagnýtt þá almennu þekkingu og leikni sem hann hefur aflað sér til að:
leysa þau verkefni sem fyrir hann eru lögð í áfanganum
beita þeim reikniaðferðum sem kenndar eru í áfanganum
leysa verklegar æfingar og kynna niðurstöður þeirra
sýna sjálfstæði í vinnubrögðum og bera ábyrgð á eigin námsframvindu
vinna í hóp til þess að auka skilning á fyrirbærum og ferlum í efnafræði
tengja efnafræði við daglegt líf og umhverfi og sjá notagildi hennar
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.