Eðlisfræði, rafeindir, róteindir, straumur og spenna
EÐLI3RE05
23
eðlisfræði
Rafeindir, róteindir, straumur og spenna
Samþykkt af skóla
3
5
Í þessum áfanga er farið yfir eiginleika hleðslu rafeinda og róteinda, straum, spennu og viðnám í rafrásum. Einnig er farið í afstæðiskenningu Einsteins og heimsfræði. Áhersla verður á skilning nemandans á efninu og að auka áhuga á viðfangsefninu.
A.m.k. 5 einingar í eðlisfræði á 2. þrepi
Nemandi skal hafa öðlast þekkingu og skilning á:
hleðslu atóma og agna
straumi, spennu og viðnámi í rafrásum
muni á einangrara og leiðara
afstæðiskenningu Einsteins
heimsfræði
Nemandi skal hafa öðlast leikni í að:
reikna straum, spennu og viðnám í rafrás
reikna hleðslu agna
reikna út breytingu á tíma og lengd út frá afstæðiskenningunni
framkvæma verklegar æfingar og vinna úr niðurstöðum þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
leysa þau verkefni sem fyrir hann eru lögð í áfanganum
beita þeim reikniaðferðum sem kenndar eru í áfanganum
leysa verklegar æfingar og kynna niðurstöður þeirra
sýna sjálfstæði og frumkvæði í vinnubrögðum
bera ábyrgð á eigin námsframvindu
vinna í hóp til þess að leysa raunveruleg vandamál með eðlisfræði
setja fram eðlisfræðileg umfjöllunarefni á skýran og markvissan hátt í ræðu og riti
tengja eðlisfræðina við daglegt líf og umhverfi og gera sér grein fyrir notagildi hennar
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.