Það kom upp villa senda inn  Áfangi

    Áfangi Nánari upplýsingar


    Búið til: 1423656895.1

    Lífsstíll og heilsa
    ÍÞRÓ2LH03
    8
    íþróttir
    heilsa, lífsstíll
    Samþykkt af skóla
    2
    3
    LH
    Áfanginn er bæði bóklegur ( fræðilegur ) og verklegur. Í áfanganum er fjallað um næringu og mataræði og hvað felst í hollri og góðri næringu með tilliti til íþrótta og daglegrar fæðu. Fjallað verður um skaðleg áhrif tóbaks, áfengis og annarra vímuefna á líkamann. Í áfanganum er lögð áhersla á verklega og fræðilega þætti tengda skipulagi þjálfunar. Nemendur vinna eigin þjálfunaráætlun undir handleiðslu kennara, auk þess sem fjallað er um líkamleg og sálræn áhrif þjálfunar. Komið verður inn á helstu líffræðilegar forsendur þjálfunar, svo sem starfsemi vöðva, liða, tauga og blóðrásar. Fjallað er um gildi reglulegrar og skipulagðrar líkamsþjálfunar og nemendum gerð grein fyrir ábyrgð á eigin líkama. Nemendur fá fræðslu um gildi þess að lifa heilbrigðu lífi og fá að kynnast möguleikum umhverfisins til líkams- og heilsuræktar. Nemendur verða hvattir til að nýta sér tölvu- og upplýsingatækni við skrásetningu upplýsinga og vinnu að eigin áætlanagerð. Þá verður farið nánar í aðalatriði undanfarandi áfanga, þ.e. snerpu og samhæfingu og unnið með þá þætti bæði fræðilega og verklega. Í verklegu tímunum verður fjölbreytnin höfð að leiðarljósi – nemendur glíma við fjölbreytt verkefni sem á einn eða annan hátt tengjast þeim þáttum sem að ofan getur. Í einhverjum verklegum tímum býðst nemendum að vinna eftir eigin áætlunum og/eða velja sér viðfangsefni eftir áhugasviðum.
    ÍÞRÓ1UÞ02 , ÍÞRÓ2SL03 og ÍÞRÓ1SS02
    Nemandi skal hafa öðlast þekkingu og skilning á:
    • flokkun næringarefna í fæðunni
    • mismunandi áhrif næringarefna og mataræðis á líkamann
    • taki þátt í umræðu um skaðleg áhrif áfengis, tóbaks og annarra vímuefna á líkamann
    • möguleikum til heilsuræktar í nánasta umhverfi og úti í náttúrunni
    Nemandi skal hafa öðlast leikni í að:
    • meta eigið líkamsástand
    • klæða sig til íþróttaiðkunar eftir aðstæðum, úti sem inni
    • glíma við fjölbreytt verkefni sem snúa að alhliða hreyfingu
    • taka þátt í alhliða líkams- og heilsurækt
    Nemandi skal geta hagnýtt þá almennu þekkingu og leikni sem hann hefur aflað sér til að:
    • leysa af hendi verkefni, stunda æfingar og leiki sem viðhalda og bæta grunnþol
    • taka þátt í fjölbreyttri líkams- og heilsurækt jafnt úti sem inni
    • nýta sér upplýsingatækni við alhliða líkams- og heilsurækt og mat á eigin heilsu
    • nýta eigin þekkingu til að framkvæma eigin þjálfáætlun með það að markmiði að auka líkamlegt atgervi sitt
    Byggir á ástundun, verkefnaskilum, verklegu lokaverkefni og skriflegu lokaprófi