Það kom upp villa senda inn  Áfangi

    Áfangi Nánari upplýsingar


    Búið til: 1423821259.94

    Menning og málnotkun
    ENSK2MK05
    34
    enska
    bókmenntir, kvikmyndir, menning, málnotkun
    Samþykkt af skóla
    2
    5
    AV
    Áhersla er lögð á að nemandi verði vel læs á flóknari texta en í undanförum. Hann fær þjálfun í að tileinka sér grunnorðaforða mismunandi menningarsvæða, tjá hugsun sína skýrt í ræðu og riti og rökstyðja skoðanir sínar. Áhersla er lögð á lestur texta með það fyrir augum að byggja upp virkan og hagnýtan orðaforða. Unnið með ýmis bókmenntaverk, kvikmyndir, heimildamyndir, fréttaefni o.fl. sem túlkað verður út frá menningarlegu samhengi. Nemandinn vinnur í auknum mæli sjálfstætt að stærri ritunarverkefnum og viðameiri verkefnum svo sem kynningum á þematengdu efni sem fela í sér öflun upplýsinga á bókasafni og af neti. Unnið er markvisst að því að efla sjálfstæði nemanda í námi.
    ENSK2LS05 eða sambærilegur áfangi á 2. þrepi
    Nemandi skal hafa öðlast þekkingu og skilning á:
    • helstu menningarsvæðum þar sem enska er notuð sem móðurmál eða fyrsta mál
    • ólíkum viðhorfum og gildum og hvernig þau móta menninguna í þeim löndum þar sem enska er notuð
    • orðaforða til daglegrar notkunar á mismunandi menningarsvæðum
    Nemandi skal hafa öðlast leikni í að:
    • lesa fjölbreytta texta sér til gagns og ánægju
    • beita þeim lestraraðferðum sem við eiga eftir gerð texta eða viðfangsefnis
    • greina og skilja málfarsmun á mismunandi málsvæðum
    • tjá sig munnlega, skýrt og hnökralaust um málefni sem hann hefur kynnt sér
    • tjá sig skriflega bæði á formlegan og óformlegan hátt
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skilja daglegt mál, fjölmiðlaefni, inntak erinda og annað efni
    • taka þátt í skoðanaskiptum
    • færa rök fyrir máli sínu
    • tjá sig skýrt fyrir áheyrendum um sérvalið efni sem hann hefur kynnt sér
    • skrifa formlegan og óformlegan texta og beita rithefðum sem við eiga í textasmíð
    • nýta nýjan orðaforða í ræðu og riti
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.