Áfanginn byggist á umfjöllun um fantasíubókmenntir, þróun þeirra og bakgrunn. Í áfanganum er lögð áhersla á þemavinnu sem tengist bókmenntum og bókmenntasögu.
Unnið er útfrá verkum Tolkien og horft til þeirra verka sem hann byggði sinn sagnaheim á. Helstu einkenni fantasíubókmennta eru kynnt í gegnum skáldverk Tolkien auk þess sem tæpt er á ýmsum tímabilum bókmenntasögunnar eftir því sem þau tengjast viðfangsefni áfangans. Þá er einnig litið til hugmynda um uppbyggingu skáldverka og bókmenntahugtaka þeim tengdum.
Áhersla er lögð á ritun í tengslum við bókmenntaumfjöllun, þar sem nemandinn leitar heimilda sem tengjast ólíkum tímabilum og nýtir í umfjöllun sinni. Einnig er leitast við að nemandinn tjái sig um verkin munnlega og á skapandi máta.
10 einingar á 2. þrepi
Nemandi skal hafa öðlast þekkingu og skilning á:
tengslum milli eldri forma bókmennta og nútímabókmennta
hvernig fanstasíubókmenntir hafa mótast af tíðaranda hverju sinni
almennum bókmenntahugtökum
áhrifum Tolkien á bókmenntir og menningarheim samtímans
áhrifum trúarbragða á bókmenntir
Nemandi skal hafa öðlast leikni í að:
beita jákvæðri og gagnrýnni hugsun til að geta deilt skoðunum á lesnu efni
miðla ritun eða öðrum viðfangsefnum sínum á lipurri og hnökralausri ensku
kafa dýpra ofan í viðkomandi viðfangsefni
skoða sögulegt, félagslegt, menningarlegt og/eða pólitískt samhengi í texta
taka þátt í umræðum um bókmenntir/fræðitexta og tjá sig á viðeigandi máta
lesa sér til gagns rauntexta og krefjandi texta og vinna með þá
Nemandi skal geta hagnýtt þá almennu þekkingu og leikni sem hann hefur aflað sér til að:
gagnrýna og skilgreina bókmenntaverk í rituðu og töluðu máli
sýna sjálfstæði í vinnubrögðum
geta flutt vel uppbyggða frásögn, kynningu eða greinargerð
geta dregið eigin ályktanir útfrá bókmenntaverkum
rökstyðja mál sitt í ræðu og riti
meta og afla heimilda eftir mismunandi leiðum s.s. af neti, bókasafni og öðrum upplýsingaveitum samkvæmt þeim venjum sem gilda um heimildavinnu
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.