Í þessum áfanga eru undirstöðuatriði í ensku rifjuð upp svo að nemandi geti tekist á við nám í faginu á framhaldsskólastigi. Unnið með markvissar málfræði- og orðaforðaæfingar. Áhersla er lögð á lestur texta, bæði einfalda bókmenntatexta og texta almenns eðlis. Skilningur á töluðu máli er þjálfaður með hlustun á rauntexta. Nemandinn er þjálfaður í að tjá sig með viðeigandi orðalagi um almenn efni á ensku. Ritun er þjálfuð með fjölbreyttum æfingum þar sem áhersla er lögð á að skrifa texta á skipulagðan hátt eftir viðeigandi reglum.
Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
Nemandi skal hafa öðlast þekkingu og skilning á:
helstu grunnreglum í enskri málfræði
algengustu orðum tungumálsins
almennum rauntextum og einföldum bókmenntatextum
almennu talmáli í samtölum, útvarpi og sjónvarpi
Nemandi skal hafa öðlast leikni í að:
beita grunnreglum enskrar málfræði í tali og ritun
skrifa stuttan samfelldan texta með viðeigandi uppsetningu
hlusta eftir upplýsingum, bæði í samtali sem og útvarps- eða sjónvarpsefni
geta fylgt eftir og tekið þátt í einföldum samræðum
tjá sig um almenn málefni með viðeigandi orðalagi, munnlega og skriflega
lesa almenna texta og einfalda bókmenntatexta
byggja upp og bæta við orðaforða sinn með mismunandi aðferðum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna á fjölbreyttan hátt með almenna rauntexta og einfalda bókmenntatexta
nýta orðaforða sinn á skýran og skilmerkilegan hátt í tal- og ritmáli
beita grunndvallaratriðum enskrar málfræði í tali og ritun
beita virkri hlustun, skilja inntak samræðna sem og útvarps- og sjónvarpsefnis
taka þátt í umræðum á ensku um það efni sem fjallað er um hverju sinni
sýna frumkvæði, sjálfstæði í upplýsingaöflun, úrvinnslu upplýsinga og uppsetningu verkefna sem tengjast áhugasviði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.