Lesnir eru stuttir textar auk þess sem nemandinn er markvisst þjálfaður í hlustun. Lögð er áhersla á lestur texta og orðaforða úr daglega lífinu. Farið er í styttar skáldsögur og áhersla lögð á innihald textans. Farið er í grunnatriði þess að lesa milli lína og túlka texta. Notast er við hlustun í yfirferð hluta lestrarefnisins. Lögð eru fyrir stutt ritunarverkefni. Ritun er bæði tengd lesnum textum og reynslu úr daglegu lífi. Nemandinn er þjálfaður í samræðum og tjáningu á enskri tungu. Prófað er munnlega úr innihaldi styttri skáldsagna. Mikil áhersla er lögð á málfræði. Farið er yfir grunnþætti enskrar málfræði og hún tengd öðrum þáttum í kennslu eins og ritun og lestri texta.
Þessi áfangi er ætlaður nemendum sem ekki hafa lokið grunnskóla með fullnægjandi árangri að mati skólans.
Nemandi skal hafa öðlast þekkingu og skilning á:
helstu málfræðiatriðum og orðflokkum
nýjum orðaforða
helstu málfræðiatriðum og geta notað þau á réttan hátt í mæltu og rituðu máli
notkun hjálpargagna, svo sem notkun stafrænna orðabóka og leiðréttingarforrita
Nemandi skal hafa öðlast leikni í að:
lesa og skilja einfalda texta, svo sem blaðagreinar, smásögur og styttar skáldsögur með það að markmiði að auka orðaforða sinn og afla upplýsinga
nota mismunandi aðferðir við að tileinka sér málfræðiatriði
skrifa stutta texta um málefni sem hann hefur kynnt sér
hlusta á enska tungu og skilja inntak efnisins
koma skoðunum sínum á framfæri munnlega
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og skilja almenna, einfalda texta og greina frá þeim í aðalatriðum með munnlegum og skriflegum hætti
gera greinarmun á mismunandi málnotkun eftir aðstæðum og fylgja eftir og taka þátt í samræðum um efni sem farið hefur verið í
endursegja efni sem hann hefur lesið eða heyrt
beita mismunandi aðferðum og hjálpargögnum við ritun svo sem orðabækur og leiðréttingarforrit
skilja og geta greint frá aðalatriðum ýmiss konar texta og finna upplýsingar í texta til að svara einföldum spurningum
taka þátt í umræðum um ýmisleg málefni og taka tillit til skoðana annarra
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.