Í þessum áfanga er lögð mikil áhersla á lestur fjölbreyttra texta til að auka lesskilning og orðaforða. Auk þess er nemandinn þjálfaður markvisst í munnlegri tjáningu og ritun. Undirstöðuatriði enskrar málfræði eru rifjuð upp. Lesnar eru óstyttar smásögur með það að markmiði að þjálfa nemandann í textarýni og túlkun. Nemandinn vinnur ýmist sjálfstætt eða í hóp að fjölbreyttum og skapandi verkefnum m.a. um sjálfvalið efni. Markmið áfangans er að nemandinn auki grunnþekkingu sína í ensku og geri sér grein fyrir hvernig hún nýtist honum á fjölbreyttan og hagnýtan hátt.
Fara eftir inntökuskilyrðum skólans hverju sinni.
Nemandi skal hafa öðlast þekkingu og skilning á:
almennum orðaforða sem tengist efni áfangans
grundvallarþáttum málfræðinnar
notkun hjálpargagna svo sem orðabóka og leiðréttingarforrita
algengum framburðarreglum
formgerð og byggingu texta og mismuninum á töluðu og rituðu máli
Nemandi skal hafa öðlast leikni í að:
tjá sig munnlega og skriflega í samfelldu máli um sjálfan sig, umhverfi sitt og annað sem tengist efni áfangans
skrifa einfaldan texta um efni sem hann þekkir eða hefur áhuga á
lesa mismunandi texta
hlusta og skilja almenn samtöl
nota stafrænar orðabækur, upplýsingatækni og nauðsynleg hjálpargögn í tungumálanámi
taka þátt í einföldum samræðum
setja upp texta á viðeigandi hátt eftir aðstæðum hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
beita mismunandi lestraraðferðum eftir því sem við á
beita grundvallaratriðum enskrar málfræði í ritun og tali
rýna í styttri bókmenntatexta
afla sér upplýsinga á fjölbreyttan hátt um mismunandi málefni
gera greinarmun á mismunandi málnotkun eftir aðstæðum og fylgja eftir og taka þátt í samræðum um efni sem farið hefur verið í
þróa með sér aga og skipulögð vinnubrögð
útskýra og rökstyðja skoðanir sínar á tilteknum málefnum á enskri tungu
miðla eigin þekkingu og skoðunum á efni sem hann hefur kynnt sér
leysa úr viðfangsefnum einn eða í samstarfi við aðra
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.