Stefnt er að því að efla sjálfstraust þeirra og trú á eigin málfærni í ræðu og riti. Áhersla er lögð á að nemendur bæti lestrartækni, lestrarhraða, lesskilning sinn og öðlist úthald við lestur.Lesnir verða textar af ýmsu tagi, bæði nytjatextar og bókmenntatextar og nemendur þjálfast í að greina aðalatriði þeirra. Ennfremur fá þeir þjálfun í ýmiss konar ritun þar sem reynir á sköpunarhæfni og frumkvæði. Nemendur auka orðaforða sinn í ræðu og riti og nýta sér hjálpargögn og heimildir til að bæta og lagfæra eigin texta. Algengasta myndmál og stílbrögð rifjuð upp. Nemendur vinna og kynna verkefni sín ýmist einir og/eða með öðrum.
Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
Nemandi skal hafa öðlast þekkingu og skilning á:
mikilvægi þess að búa að góðri lestrarfærni, t.d. góðum lestrarhraða, lesskilningi og úthaldi við lestur
mismunandi lestraraðferðum, t.d. hraðlestri, nákvæmnislestri og leitarlestri
nokkrum tegundum bókmennta- og nytjatexta, s.s. smásögum, blaða- og tímaritsgreinum
uppbyggingu ólíkra texta
orðaforða sem nýtist í ræðu og riti
mikilvægum atriðum sem einkenna góða framsögn og umræður
notkun hjálpargagna
mikilvægi þess að geta heimilda
Nemandi skal hafa öðlast leikni í að:
lesa sér til gagns og gamans texta sem gera nokkrar kröfur til lesenda
skilja algengt líkingamál og orðatiltæki
nota mismunandi lestraraðferðir við ólíka texta
kynna og lýsa munnlega ýmiss konar efni
vinna fjölbreytt verkefni þar sem reynir m.a. á sköpun og frumkvæði
nota yfirlestrarforrit og orðabækur til að lagfæra eigin texta
taka aðalatriði úr texta og átta sig á meginefni hans
leita upplýsinga úr heimildum og nýta á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
semja stutta texta af ýmsu tagi með viðeigandi málfari
afla sér upplýsinga í ýmsum nytjatextum, s.s. blaða- og tímaritsgreinum
auka leshraða og dýpka lesskilning sinn
styrkja eigin mál- og ritfærni
túlka texta þótt merkingin liggi ekki á yfirborðinu
vinna skapandi verkefni, t.d. í tengslum við vinnu með texta
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.