Í áfanganum er áhersla á mikilvægi lestrar og barnabókmennta, fyrir börn á öllum aldri. Nemendur kynnast ýmsum tegundum bóka og annars efnis fyrir börn og unglinga. Einnig verður farið yfir sögu og þróun íslenskra barna- og unglingabóka, rætt um mál- og menningarheim og málþroska barna. Skoðað er hvað einkennir góðar barnabækur og fjallað um gildi þess að börn lesi og að lesið sé fyrir þau. Nemendur greina og meta margskonar barna- og unglingabækur og fræðigreinar er varða alla þætti áfangans. Þeir gera grein fyrir skoðunum sínum, munnlega og skriflega þar sem reynir á frumkvæði, sköpunarhæfileika, sjálfstæð vinnubrögð og gagnrýna hugsun. Nemendur vinna ýmist einir eða með öðrum.
10 einingar á 2. þrepi
Nemandi skal hafa öðlast þekkingu og skilning á:
mikilvægi lestrar fyrir mál- og málþroska barna
sögu íslenskra barnabókmennta
mismunandi tegundum barnabókmennta og helstu höfundum
hvað einkennir vandaðar og óvandaðar barnabækur
tengslum íslenskra barnabókmennta við menningu hvers tíma
hugmyndafræði og viðhorfum sem birtast í barnabókmenntum
heimildanotkun í tengslum við verkefnavinnu
mismunandi stíl og orðaforða í barnabókum
Nemandi skal hafa öðlast leikni í að:
lesa og greina barnabókmenntir af ýmsu tagi
beita algengum stílbrögðum í tal- og ritmáli
skilja lykilhugtök og mismunandi sjónarhorn sem birtast í barnabókmenntum
meta ólíkar tegundir texta og efnis sem ætlað er börnum
draga saman og nota á viðurkenndan og gagnrýninn hátt upplýsingar úr hvers kyns heimildum og meta áreiðanleika þeirra
ganga frá heimildaverkefnum og nýta sér uppbyggilega gagnrýni annarra til betrumbóta
flytja af öryggi lýsingar og kynningar á verkefnum sínum, hver fyrir sig og með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á mikilvægi vandaðra barna- og unglingabóka
átta sig á gildi lestrar fyrir málþroska barna
velja og meta á gagnrýninn hátt efni ætlað börnum
taka þátt í málefnalegum umræðum, tjá afstöðu sína og efasemdir um efnið og komast að rökstuddri niðurstöðu
draga saman aðalatriði, beita gagnrýninni hugsun við lestur, túlkun og úrvinnslu krefjandi texta
átta sig á samfélagslegum skírskotunum, duldum boðskap og hugmyndum
beita skýru, vönduðu og blæbrigðaríku máli í ræðu og riti
velja ritstíl eftir aðstæðum og viðtakendum
vinna skapandi verkefni að eigin vali í tengslum við námsefnið
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.