Í áfanganum lærir nemandinn grunnatriði í teikningu. Hann þjálfar sig í að yfirfæra þrívíða fyrirmynd í tvívíða teikningu og jafnvel þrívíða. Nemandinn þjálfar eigin formskilning með því að teikna einföld form eins og kassa, kúlu og sívalning og skoða hvernig aðrar fyrirmyndir eru byggðar úr þeim. Hann teiknar rýmið í kringum sig, innanhúss og utan og lærir um leið forsendur eins og tveggja punkta fjarvíddar og fleiri leiðir til að skapa dýpt. Nemandinn teiknar mannslíkamann og kynnist hlutföllum hans, jafnvægi og hreyfingu. Hann þjálfar sig í að beita ímyndunaraflinu í teikningu. Hann kynnist ólíkum möguleikum teikningar í listum, vísindum og hönnun í nútíma og sögu. Nemandinn notar ólíkar teikniaðferðir og beitir margskonar teikniáhöldum.
engar
Nemandi skal hafa öðlast þekkingu og skilning á:
mikilvægi samræmis og samfellu milli skynjunar og hreyfingar handar í teikningu eftir fyrirmynd
hvernig umhverfi okkar byggist úr grunnformum
mismunandi formum og hvernig ljós og skuggi hegða sér á þeim
eins og tveggja punkta fjarvíddarreglum
hvernig hægt er að skapa dýpt með ýmsum aðferðum
hlutföllum mannslíkamans
nokkrum algengum teiknimiðlum
nokkrum leiðum til að útfæra teikningu eftir fyrirmynd á skapandi hátt
ólíkum tilgangi með teikningu
Nemandi skal hafa öðlast leikni í að:
hreyfa teikniáhald í samræmi og samfellu við skynjun sína
yfirfæra það sem hann sér með teikningu á tvívíðan flöt
teikna og skyggja grunnform
nota þekkingu sína á grunnformum í teikningu á ýmiss konar fyrirmyndum
beita eins og tveggja punkta fjarvídd til að teikna umhverfi innan húss og utan
beita algengum teiknimiðlum eins og blýanti, kolum, bleki ofl.
nota ímyndunarafl til að útfæra og víkka út teikningu eftir fyrirmynd
Nemandi skal geta hagnýtt þá almennu þekkingu og leikni sem hann hefur aflað sér til að:
þróa eigin stíl í teikningu
rannsaka aðferðir og hugmyndir á bak við ólíkar teikningar
þróa áfram aðferðir sínar til að setja fram eigin hugmyndir með teikningu
nýta teikningar eftir listamenn vísindamenn og hönnuði sem innblástur fyrir eigin vinnu
vinna með mismunandi teikniáhöld og aðferðir í tengslum við eigin markmið
setja fram eigin hugmyndir með teikningu
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.