Í áfanganum fær nemandinn innsýn í menningarsöguna og hvernig þróun og víxlverkun listgreina og samfélags mótar þann nútíma sem við lifum í. Nemandinn kynnist forsendum skynjunar mannsins og margvíslegum möguleikum hans til listrænnar tjáningar. Nemandinn kannar fagurfræðilegar og hugmyndalegar forsendur lista og hvernig þróun þeirra tengist breytingum samfélagsins á hverjum tíma s.s í tengslum við trúarbrögð, tæknilegar nýjungar, þróun í vísindum og stjórnmálum.
Nemandinn rannsakar þætti sem snúa að skynhrifum. Hann vinnur verkefni þar sem hann kannar mismunandi listgreinar, tengsl þeirra innbyrðis og ólík stíltímabil.
engar
Nemandi skal hafa öðlast þekkingu og skilning á:
mikilvægi allrar listsköpunar í samfélaginu
fagurfræðilegum og hugmyndafræðilegum forsendum lista
hvernig samfélagsbreytingar, trúarbrögð, tækniframfarir, þróun í vísindum og stjórnmál hafa áhrif á listir, skynjun og sköpun
hvernig stefnur og straumar í listum taka sífellt breytingum
samspili ólíkra listgreina og hvernig þær hafa áhrif hvor á aðra
grunnatriðum í eðlisfræði og skynjunarsálfræði
möguleikum sem listnám hefur upp á að bjóða
Nemandi skal hafa öðlast leikni í að:
opna hugann og horfa vítt hvað varðar menningu og listir í samfélaginu
beita mismunandi aðferðum í framsetningu verkefna sinna s.s. með því að rita, tala, teikna eða miðla á annan hátt
vinna á sjálfstæðan og skapandi hátt undir leiðsögn kennara að afmörkuðum verkefnum er tengjast fyrirlestrum og straumum og stefnum í listum
skilja muninn á öpun og sköpun
Nemandi skal geta hagnýtt þá almennu þekkingu og leikni sem hann hefur aflað sér til að:
sýna nokkurt sjálfstæði við útfærslu/túlkun verkefna undir leiðsögn kennara, ýmist skrifleg, verkleg eða unnin með nýmiðlum
setja listir í menningarlegt og sögulegt samhengi og tileinka sér hæfni til að fjalla um viðfangsefni áfangans hverju sinni
fjalla um listir og hönnun
meta, greina og skynja listir og hönnun út frá eigin forsendum og annarra
fjalla um listviðburði og fyrirlestra á gagnrýninn og sjálfstæðan hátt og rökstyðja mál sitt
vinna með öðrum með umburðarlyndi og virðingu að leiðarljósi
ræða um eigin verkferli og listrænar niðurstöður
ræða heimspekileg álitamál um skynjun
rökstyðja skoðanir sínar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.