Í áfanganum fær nemandinn að kynnast ýmsum hliðum upplýsingatækninnar. Farið verður yfir grunnatriði í tölvumálum og reglur sem gilda í tölvusamskiptum og í umgengni við tölvukerfi skólans. Áhersla er lögð á að nemandinn læri grunnatriði í myndvinnslu, vektorteikningu og grafískri uppsetningu. Auk þess fær hann kynningu á verkfærum sem liggja á vefnum sem notast má við til að búa til kynningar, geyma hugmyndavinnu, búa til einfaldar heimasíður, deila eigin sköpun o.fl.
engar
Nemandi skal hafa öðlast þekkingu og skilning á:
grunnatriðum myndvinnslu og forritum henni tengdri
grunnatriðum vektorteikningar og forritum henni tengdri
grunnatriðum grafískrar uppsetningar og forritum henni tengdri
hvernig hægt er að nýta ýmis frí kerfi á vefnum í samhengi við nám sitt, sköpun og framsetningu á eigin verkum
samspili mynda og texta í grafískri vinnu
hvernig hægt er að nota liti og form á táknrænan hátt
mismunandi skráarendingum (.svg, .pdf, .jpeg , o.fl.)
Nemandi skal hafa öðlast leikni í að:
vinna með myndvinnslu-, teikni- og uppsetningarforrit
vinna með fjölbreytt aðföng
miðla eigin hugmyndum og sköpun á skipulagðan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
meta hvernig best sé að vista gögn með viðeigandi skráarendingu og geyma rafrænt
meta hvort myndefni sé vinnanlegt
vinna sjálfstætt með möguleika myndvinnsluforrita, vektorteikningar og grafískar uppsetningar
rökstyðja val á verkfærum og verkferlum í myndvinnslu, vektorteikningu og grafískri uppsetningu
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.