Nemandinn heldur áfram frá fyrri áfanga HÖTE2ET10 í litun efna með ólíkum aðferðum. Hann leggur áherslu á áferð efna og yfirborðshönnun þeirra. Nemandinn beitir frjálsri útsaumstækni, bæði í höndum og í vél. Hann vinnur hugmynda- og skissuvinnu fyrir bútasaum og lærir undirstöðuatriði hans. Nemandinn vinnur allar prufur áfangans og lokastykki í tengslum við grunnhugmynd. Nemandinn vinnur hugmynda- og prufumöppu ásamt dagbók yfir vinnu sína í áfanganum. Áhersla er lögð á sjálfstæð og skapandi vinnubrögð.
HÖTE2ET10
Nemandi skal hafa öðlast þekkingu og skilning á:
hvernig frjáls útsaumur er notaður bæði á hagnýtan og listrænan hátt
hvernig bútasaumur er notaður bæði á hagnýtan og listrænan hátt
hvernig ein grunnhugmynd getur átt sér margar útfærslur
notkunarmöguleikum fagblaða og bóka
ýmsum aðferðum við að gera áferð á efni
Nemandi skal hafa öðlast leikni í að:
vinna frjálsan útsaum bæði í vél og höndum
vinna hugmynd að útfærslu á hönnun á verki í tengslum við hráefni og aðferð
vinna með form, liti og áferð
nota skurðarstiku, skurðarmottu, skurðarhníf og fleira
nota form og munstur í eigin hönnun á skapandi hátt
setja saman efni og garn/tvinna í samræmi við hugmynd
Nemandi skal geta hagnýtt þá almennu þekkingu og leikni sem hann hefur aflað sér til að:
þróa hugmyndir sínar með skissuvinnu og tilraunum og yfirfæra þær í fullbúið verk af öryggi
skipuleggja vinnu sína og rökstyðja val á hráefnum og vinnuaðferðum
tileinka sér frumleika og sjálfstæði í vinnubrögðum
tileinka sér vinnuhagræðingu og nota nýjustu tækni og aðferðir
meta styrk sinn í textílhönnun og aðferðum textíls og koma auga á hagnýtingu menntunar sinnar
taka þátt í opinberri sýningu á vegum skólans og miðla þar styrk sínum
meta, greina og tjá sig um eigin verk og annarra af nokkurri þekkingu, víðsýni og umburðarlyndi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.