Viðfangsefni áfangans miða að því að undirbúa nemandann fyrir þátttöku í félags- og atvinnulífi. Farið er í grunnhugtök og kenningar í stjórnun. s.s. skipurit, valddreifing, markmiðasetning og hvatning. Nemandanum eru kynnt gildi stjórnunar og skipulagningar fyrir einstaklinginn, fyrirtækið og samfélagið, hann fær innsýn í hlutverk, verksvið og ábyrgð stjórnenda fyrirtækja, einkum á sviði mannauðsstjórnunar. Sérstök áhersla er lögð á persónuþróun. Nemandinn lærir að meta og þekkja kosti sína og galla, tileinka sér verkefna- og tímastjórnun og setja sér markmið.
engar
Nemandi skal hafa öðlast þekkingu og skilning á:
kostum sínum og göllum
hlutverki sínu í hópavinnu
mikilvægi stjórnunar fyrir einstaklinginn, fyrirtæki og samfélagið
helstu stjórnunarkenningum og stílum
mikilvægi valddreifingar
mikilvægi markmiðasetningar
undirgreinum stjórnunar
helstu skipuritum um dreifingu valds og ábyrgðar
grunnatriðum mannauðsstjórnunar
verkefnastjórnun
Nemandi skal hafa öðlast leikni í að:
setja sér markmið
skipuleggja tíma sinn
stýra fundum
taka starfsmannaviðtöl
skrifa fundagerðir
gera svót greiningu
setja saman einfalda verkáætlun
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að markmiðum sínum
fjalla um hlutverk og störf stjórnanda með gagnrýnum augum
rökræða helstu stjórnunarstíla
leysa af hendi starfsmannaviðtöl
vera ábyrgur fyrir fundarstjórnun
meta vandamál með gerð svót greiningar
taka þátt í skipulagningu á verkefni með gerð verkáætlunar
sýna skilning á hlutverki stjórnanda
miðla þekkingu og reynslu á sviði stjórnunar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.