Fjallað er um grundvallaratriði tvíhliða bókhalds. Nemandanum er gerð grein fyrir hlutverki bókarans og tilgangi bókhaldsins. Algengustu reikningar eru kenndir fyrst og flokkun þeirra í eignir, skuldir, gjöld og tekjur. Farið í dagbókarfærslur, prófjöfnuð, opnun og lokun höfuðbókar, tengsl hennar við dagbók og gerð einfalds efnahags- og rekstrarreiknings. FOB og CIF skilmálar útskýrðir og munurinn á eðli sölu- og innkaupakostnaðar. Farið yfir reglur um virðisaukaskatt og hvernig þeim er beitt í bókfærslunni. Unnið með reikningsuppgjör og lokun höfuðbókar með einföldum athugasemdum s.s. ógreiddum og fyrirfram greiddum kostnaði og vöxtum. Mikil áhersla er lögð á vönduð vinnubrögð nemanda og góðan frágang. Nemandinn fær æfingu í notkun töflureiknis við færslu bókhaldsins.
engar
Nemandi skal hafa öðlast þekkingu og skilning á:
grunnhugtökum bókfærslu
helstu lögum um bókhald
sambandi dagbókar og höfuðbókar
einföldustu aðgerðum töflureiknis
Nemandi skal hafa öðlast leikni í að:
færa einfaldar dagbókarfærslur
stilla upp prófjöfnuði
færa niðurstöður dagbókar í aðalbók
setja upp efnahags- og rekstrarreikning
reikna út hagnað og tap
gera upp viðskipti fyrir ákveðið tímabil með einföldum athugasemdum
gera upp virðisaukaskatt
Nemandi skal geta hagnýtt þá almennu þekkingu og leikni sem hann hefur aflað sér til að:
nýta niðurstöður dagbókar til að setja upp tvíhliða bókhald
færa einfaldar færslur í fjárhagsbókhaldi
rökstyðja einstakar færslur í bókhaldi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.