Í áfanganum er farið í lög og reglugerð um framsetningu og innihald ársreikninga og í framhaldinu gerir nemandi ársreikning og greinir hann. Áhersla er lögð á að rekstrar- og efnahagsreikningar séu settir upp í samræmi við lög um ársreikninga, sem síðan eru túlkaðir með kennitölum. Farið er í gerð fjárstreymisyfirlita, sjóðstreymis og fjármagnsstreymis. Nemandanum er kynntur mismunur á uppgjöri samkvæmt góðri reikningsskilavenju og uppgjöri samkvæmt skattalögum. Fengist er við áætlanagerð og frávikagreiningu. Nemandinn notar töflureikni við lausn verkefna.
BÓKF2FV05
Nemandi skal hafa öðlast þekkingu og skilning á:
lögum um ársreikninga
reglugerð um framsetningu og innihald ársreikninga
fjármagnsstreymi
takmörkum kennitala
hvernig bókhald getur auðveldað áætlanagerð, stjórnun, eftirlit og ákvarðanatöku
helstu þáttum fjárhagsáætlunar
Nemandi skal hafa öðlast leikni í að:
lesa úr ársreikningum fyrirtækja, áritunum og skýringum í ársreikningum
setja upp rekstrar- og efnahagsreikning
setja upp sjóðsstreymi eftir beinni og óbeinni aðferð
reikna út og túlka kennitölur
nota töflureikni við útreikninga og uppsetningu ársreikninga
Nemandi skal geta hagnýtt þá almennu þekkingu og leikni sem hann hefur aflað sér til að:
nýta reglugerð um framsetningu og innihald ársreikninga til að semja einfaldan ársreikning
fjalla um helstu þætti fjárhagsáætlunar og útskýra hana
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.