Fjallað er um rekstur fyrirtækja á Íslandi og rekstrarumhverfi þeirra. Farið er í grunnatriði hagfræðinnar sem varða nýtingu framleiðsluþáttanna og skilgreiningar mismunandi efnahagsheilda. Nemendur kynnast ýmsum aðferðum við flokkun fyrirtækja og kynna sér mismunandi rekstrarform. Farið er yfir helstu þætti er varða innra skipulag og ytri aðstæður fyrirtækja. Kynntar eru aðferðir við gerð framleiðsluferla, framleiðsluútreikninga, gerð rekstraráætlana, framlegðarútreikninga og arðsemisútreikninga. Fjallað er um markaðssetningu og stefnumótun. Áhersla er á að nemandinn tileinki sér gagnrýna hugsun og sjálfstæð vinnubrögð.
engar
Nemandi skal hafa öðlast þekkingu og skilning á:
viðskiptaumhverfi fyrirtækja á Íslandi
flokkun fyrirtækja eftir atvinnugreinum og rekstrarformum
umhverfi og starfsgrundvelli fyrirtækja
aðferðum sem notaðar eru í innra skipulagi fyrirtækja og framleiðslu
hugtökum í fjárhagslegum rekstri fyrirtækja, kostnaðargreiningu og gerð rekstraráætlana
grundvallarþáttum sem varða markaðssetningu
grundvallarþáttum sem varða stefnumótun
Nemandi skal hafa öðlast leikni í að:
flokka fyrirtæki með hliðsjón af helstu einkennum þeirra
lýsa framleiðslukerfum með flæðiriti og reikna út afkastagetu
gera rekstraráætlanir með heildaraðferð og framlegðaraðferð
reikna eigið verð vöru og hagkvæmustu framleiðslusamsetningu
reikna út arðsemi fjárfestinga
Nemandi skal geta hagnýtt þá almennu þekkingu og leikni sem hann hefur aflað sér til að:
nýta aðferðir rekstrarhagfræðinnar við rekstur og framleiðslu fyrirtækja
átta sig á þeim þáttum sem skipta mestu máli við stofnun og rekstur fyrirtækja
útskýra framleiðsluútreikninga og geta tekið ákvarðanir um framleiðslu byggðar á þeim
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.