Í áfanganum kynnast nemendur grundvallaratriðum og lögmálum rafmagns. Fjallað er um hugtökin straumur, spenna, viðnám, afl og orka. Einnig er fjallað um undirstöðuatriði rafeindatækninnar er varða hálfleiðara. Fjallað er um eiginleika, og virkni rafeindaíhluta svo sem díóða og transistora. Lögð er áhersla á tölvulagnir. Farið er yfir frágang og tengingar allra almennra tölvulagna. Nemendur læra að lóða með lóðbolta og beita helstu hand- og rafmagnsverkfærum sem notuð eru í tölvutækni.
Nemandi skal hafa öðlast þekkingu og skilning á:
hugtökum rafmagnsfræði jafnstraums
Ohms lögmálinu
lögmáli um afl og orku
áhrifa stöðurafmagns á íhluti
eiginleikum rafeindaíhluta s.s. vinnámum, díóðum og transistorum
Nemandi skal hafa öðlast leikni í að:
að reikna og mæla út viðnám, strauma og spennur í raðtengdum og hliðtengdum rásum
að búa til tengisnúrur bæði beinar og krossaða
lóða íhluti á prentplötu
að tengja tölvulagnir við krosstengibretti (patchpanil
Nemandi skal geta hagnýtt þá almennu þekkingu og leikni sem hann hefur aflað sér til að:
geta beitt mælitækjum við bilanaleit
geta sett upp netlagnir fyrir tölvukerfi
geta skipt um íhluti á prentplötu
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.