Áfanginn er ætlaður öllum nýnemum og er ætlast til að nemendur taki áfangann á fyrstu önn. Í áfanganum læra nemendur á nýja skólann, kynnast skólaumhverfinu, því námi sem þar fer fram og þeim leiðum sem geta hjálpað til við nám. Farið er í gegnum ýmis atriði sem hjálpa nemendum að fóta sig í framhaldsskóla, svo sem námstækni, notkun á bókasafni og fleira. Einnig verður farið yfir efni sem tengist því að auka sjálfsmynd nemenda, samskipti, tjáningu, sorg og sorgarviðbrögð, réttindi og skyldur á vinnumarkaði.
Nemandi skal hafa öðlast þekkingu og skilning á:
skólanum og umhverfi hans
því námi og þeim námsmöguleikum sem í boði eru
góðum vinnubrögðum, námstækni og mikilvægi markmiðssetninga
helstu hugtökum sem tengjast sjálfsmynd og þekkingu og skilningi á eigin persónu
því hvernig skal undirbúa og flytja munnleg erindi við mismunandi aðstæður
því félagslífi sem í boði er
Nemandi skal hafa öðlast leikni í að:
gera námsáætlun
beita námstækni
nýta sér það félagslíf sem í boði er
tjá sig fyrir framan nemendahópinn
rýna í eigin sjálfsmynd og meta eigin stöðu
nýta sér góð vinnubrögð, góða námstækni og setja sér raunhæf markmið
skoða námsframboð og námsleiðir og tengja áhugasvið við náms- og starfsval
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér leið gegnum framhaldsskólakerfið og búa til námsáætlun fyrir nám að loknum framhaldsskóla ...sem er metið með... nota árangursríka námstækni, stjórna einbeitingu, beita mismunandi minnisaðferðum, skipuleggja og undirbúa próflestur, glósutækni, lestrartækni og tímastjórnun
flytja mál sitt á sannfærandi og öruggan hátt
Vera meðvitaður um styrkleika sína
Námsmat er útfært í kennsluáætlun í samræmi við skólanámskrá.