Í áfanganum er lögð áhersla á að nemendur treysti kunnáttu sína á öllum sviðum lestrar og lesi fjölbreytta texta, s.s. bókmenntatexta, ýmsa texta sem birtast í dagblöðum, tímaritum, fræðiritum og á Netinu. Nemendur þjálfast í fjölbreyttri ritun og tjáningu. Áhersla er lögð á virka þátttöku nemenda í kennslustundum.
Grunnskólapróf. Nemendur sem hefja nám í þessum áfanga hafa fengið einkunnina C eða D í íslensku á grunnskólaprófi.
Nemandi skal hafa öðlast þekkingu og skilning á:
forsendum góðrar framsagnar og eðlilegrar framkomu við flutning texta
mismunandi málsniðum og sérkennum talmáls og ritmáls
helstu atriðum varðandi ritgerðarsmíðar
helstu hugtökum í bókmenntafræði
helstu hugtökum í bragfræði
íslenskri stafsetningu og greinarmerkjasetningu.
Nemandi skal hafa öðlast leikni í að:
lesa og tjá sig um fjölbreytta texta
skrifa texta á vönduðu máli þar sem samhengis í efni er gætt
ganga frá stuttri ritgerð á viðeigandi hátt í tölvu
beita hugtökum í bókmenntafræði í umfjöllun um bókmenntir
beita hugtökum í bragfræði í umfjöllun um bundið mál
beita réttri stafsetningu og greinarmerkjasetningu.
Nemandi skal geta hagnýtt þá almennu þekkingu og leikni sem hann hefur aflað sér til að:
flytja framsögu á skýran og áheyrilegan hátt ...sem er metið með... fyrirlestri
skrifa stutta ritgerð á vönduðu máli þar sem samhengis í efni er gætt ...sem er metið með... ritgerð
túlka valin ljóð og átta sig á byggingu þeirra ...sem er metið með... verkefnum og/eða prófi
fylgja reglum um stafsetningu og greinarmerkjasetningu við að koma frá sér rituðu máli ...sem er metið með... verkefnum, ritgerð og prófi
axla ábyrgð á eigin námi ...sem er metið með... stöðugu mati kennara á framkomu og frammistöðu nemanda yfir önnina
taka virkan þátt í kennslustundum ...sem er metið með... stöðugu mati kennara á framkomu og frammistöðu nemanda yfir önnina
beita lýðræðislegum vinnubrögðum í hópvinnu ...sem er metið með... stöðugu mati kennara á framkomu og frammistöðu nemanda yfir önnina
tjá skoðun sína á námsefni, námsmati og fyrirkomulagi kennslu ...sem er metið með... stöðugu mati kennara á framkomu og frammistöðu nemanda yfir önnina
tileinka sér jákvætt viðhorf til móðurmáls og eigin málnotkunar ...sem er metið með... stöðugu mati kennara á framkomu og frammistöðu nemanda yfir önnina.
Gert er ráð fyrir leiðsagnarmati í áfanganum en það byggir á stöðugri endurgjöf kennarans um frammistöðu nemandans. Meðal námsmatsþátta verður: fyrirlestur, stutt ritgerð, ýmiss konar verkefni (bæði munnleg og skrifleg, einstaklings- og hópverkefni), skriflegt próf í lok annar
og mat á undirbúningi og þátttöku nemandans í kennslustundum á önninni.