Í áfanganum er fjallað um ráðleggingar landlæknis um orku- og næringarefni, hlutverk þeirra, ráðlagða dagskammta og skortseinkenni. Farið er í gildandi lög og reglugerðir um aukefni í matvælum og merkingar umbúða. Farið er í næringarefnatöflur/-forrit til að reikna út næringargildi máltíða. Lögð er áhersla á að nemendur geti með gagnrýnum hætti metið hollustu og gildi fullyrðinga um næringu í fjölmiðlum og á netinu. Fjallað er um næringarþarfir mismunandi hópa, sérfæði á sjúkrastofnunum og helstu gerðir sérfæðis sjúklinga og forsendur fyrir því. Áhersla á að nemandi verði meðvitaður um eigin ábyrgð á góðri næringu og heilsu og sé ljóst hvers virði góðar neysluvenjur eru heilbrigði þjóðar.
engar
Nemandi skal hafa öðlast þekkingu og skilning á:
orku- og næringarefnum, hlutverkum þeirra, skortseinkennum og í hvaða matvælum þau eru helst að finna
ráðleggingum landlæknis um mataræði og ráðlögðum dagskömmtum um vítamín og steinefni
lögum og reglugerðum um aukefni og vörumerkingar matvæla
aðferðum til að meta líkamsástand og áhrif megrunarkúra á líkamann
næringarþörfum sérstakra hópa og sjúklinga ásamt sérfæði á sjúkrastofnunum
næringartöflum og -forritum til að reikna út orku- og næringarinnihald í máltíðum
Nemandi skal hafa öðlast leikni í að:
skoða hollustu einstakra fæðutegunda m.t.t. orku- og næringarinnihalds
reikna út næringargildi matseðils með næringartöflum/-forritum
lesa upplýsingar á umbúðum matvæla
nota BMI stuðulinn og ummálsmælingar til að meta líkamsástand
kanna eigin neysluvenjur og reikna út næringarþörf sína
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér og sínum fæðu samkvæmt ráðleggingum frá Embætti landlæknis
meta niðurstöður næringarforrita á mataræði einstaklings
meta hollustu út frá upplýsingum á umbúðum matvæla
meta með gagnrýnum hætti upplýsingar um næringu sem koma frá t.d. fjölmiðlum eða af netinu
taka rökstudda afstöðu til næringarmála í daglegri umræðu
tengja næringarfræðina við daglegt líf
útskýra munnlegar og myndrænar ráðleggingar um mataræði og næringarefni fyrir öðrum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.