Ólífræn efnafræði með áherslu á magnbundna reikninga og orkubreytingar í efnahvörfum. Hugtökin fríorkubreyting, óreiða og sjálfgengi skoðuð. Hvarfhraði efnahvarfa og áhrifaþættir hvarfhraða skoðaðir. Hraðajafnan notuð til útreikninga á hraðfasta, einnig er árekstrarkenningin og jafna Arrheniusar notuð til að reikna virkjunarorku. Farið í efnajafnvægi, jafnvægisefnahvörf, jafnvægisfasta og jafnvægislíkinguna. Sýrur og basar, bæði rammar og daufar sem og útreikningar á pH með hjálp klofningsfasta framkvæmdir. Oxunar- og afoxunarhvörf, spennuröð og oxunartölur notaðar til að ákvarða oxara og afoxara í efnahvörfum. Talsverð áhersla á útreikninga, gagnrýna hugsun og sjálfstæð vinnubrögð.
Hafa lokið a.m.k. 5 einingum í stærðfræði á 2. þrepi og EFNA2ME05 eða sambærilegum áfanga
Nemandi skal hafa öðlast þekkingu og skilning á:
orku í efnahvörfum, sjálfgengni og fríorkubreytingu
hraðafræði efnahvarfa og hvarfhraða.
jafnvægi í efnahvörfum
efnafræði sýra og basa og jafnvægi hjá daufum sýrum og bösum
oxun og afoxun, oxunartölum og spennuröð málma.
Nemandi skal hafa öðlast leikni í að:
beita orkuhugtökum og reikna út orkubreytingar í tengslum við efnahvörf
reikna meðalhraða og upphafshraða efnahvarfa
nota jöfnu Arrheniusar til að bera saman hraða efnahvarfa við mismunandi hitastig
nota jöfnu Arrheniusar til að reikna virkjunarorku (Ea)
nota jafnvægisfasta og styrk efna til að reikna stöðu jafnvægis
beita útreikningum er tengjast sýrum og bösum til að finna styrk, jafnvægispunkt og pH
nota reglur um oxunartölur til að finna oxara og afoxara
nota afoxunarspennutöflur til að finna út hvort líklegt sé að efnahvarf verði
Nemandi skal geta hagnýtt þá almennu þekkingu og leikni sem hann hefur aflað sér til að:
tengja saman efnafræði og aðrar náttúrufræðigreinar
sýna sjálfstæði í vinnubrögðum
leggja rökstutt mat á áreiðanleika niðurstaðna
taka þátt í rökræðum er lúta að málefnum sem tengjast efnafræði
tengja efnafræði við daglegt líf og umhverfi
útskýra útreikninga og leysa flóknari verkefni
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.