Kafað dýpra í ýmsa þætti efnafræðinnar, m.a. með verklegum tilraunum, sem áður hefur verið fjallað um í fyrri áföngum eins og leysnijafnvægi og fellingar, hraða efnahvarfa og virkjunarorku, lögun, svigrúm og skautun sameinda, oxun og afoxun, sýrur og basar, bufferlausnir, efnafræði kjarnans og geislavirkni. Áfanginn byggir á fjölbreyttum verklegum æfingum og verkefnavinnu. Áhersla er lögð á tengingu við umhverfi nemenda og sjálfstæð, öguð vinnubrögð.
EFNA3OH05 eða sambærilegur áfangi
Nemandi skal hafa öðlast þekkingu og skilning á:
hraða og gangi efnahvarfa sem og virkjunarorku
efnajafnvægi, jafnvægislögmálinu og jafnvægisföstum
söltum í vatnslausn, leysni og leysnimargfeldi, Ksp
jafnvægi í sýru- og basalausnum, pH, bufferlausnum, títrun og jafngildispunkti
oxunar- og afoxunarhvörfum sem og stillingu oxunar-afoxunarjafna
áhrif skautunar á tengi milli sameinda á föstu og fljótandi formi
geislavirkni og kjarnhvörfum og hagnýtingu þeirra
vinnubrögðum og öryggi í verklegri efnafræði
Nemandi skal hafa öðlast leikni í að:
reikna hraðafasta og virkjunarorku út frá mælingum
reikna helmingunartíma
teikna og túlka títrunarferil
beita nálgunum í reikningum
framkvæma verklegar æfingar í tilraunastofu
nota oxunartölur til að stilla efnajöfnur í súrum og basískum lausnum
reikna mólstyrk jóna eftir fellingu
teikna myndir er lýsa lögun sameinda
beita skipulegum aðferðum við úrlausn dæma
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á úrlausnir sínar og álykta um hvort þær standist
vinna eftir verkferlum í verklegum æfingum
skrá lausnir sínar skipulega og útskýra þær í ræðu og rituðu máli
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.