Rafmagnsfræði er meginþema áfangans þar sem almenn raffræði, lögmál Coulombs og Gauss, rafsvið, rafstöðuorka, spenna, straumur, viðnám, lögmál Ohms, rafrásir, lögmál Kirchoffs, íspenna, pólspenna, þétta, raforkuflutningur og raforkutap eru helstu viðfangsefni. Einnig er segulsvið tekið fyrir ásamt Lorentzkrafti, hægri handar reglu, segulsvið í kringum leiðara og krafta í leiðara vegna segulsviðs. Önnur helstu lögmál t.d. Ampéres, Lenz og spanlögmál Faradays. Stiklað á raforkuframleiðslu og um leið farið yfir riðspennu, rafala og spennubreyta. Áhersla er lögð á tengingu við umhverfi og reynsluheim nemenda, sjálfstæð og öguð vinnubrögð.
EÐLI2AO05 eða sambærilegur áfangi á 2. þrepi
Nemandi skal hafa öðlast þekkingu og skilning á:
rafhleðslu og straum, einangrun leiðara og lögmáli Coulombs , rafsviði, spennu og lögmáli Gauss fyrir rafsvið
þéttum, plötuþéttum og rýmd þétta
muninum á raðtengingum og hliðtengingum viðnáma og þétta
sambandi viðnáms og straums sem og straumstefnum og straummælingum
uppsetningum rafrása, afli rafrása og spennugjafa
straum og spennumælingum, eðlisviðnámi í leiðurum og öðrum efnum
gerð segulspóla, segulsviði í leiðurum og krafthrifi segulsviðs
hreyfingu rafeinda í einsleitu rafsviði og segulsviði
notkun massagreinis og áhrifum segulsviðs jarðar
spani, gerð riðstraumsrafala og spennubreyta
Nemandi skal hafa öðlast leikni í að:
túlka sviðslínur, rafsvið í kringum punkthleðslur og einsleit svið
reikna spennu í einsleitu rafsviði
reikna út rafhleðslu með hliðsjón af Coulombs lögmálinu
heilda yfir mismunandi form rafsviða
reikna hversu mikla rýmd og orku þéttar geta geymt, auk þess að geta hannað þétta
reikna út straum, spennu og viðnám í einföldum rásum með hliðsjón af Ohms lögmálinu
rekja sig í gegnum óþekktar rásir, raðtengdar og hliðtengdar og fundið gildi fyrir mismunandi íhluti hennar, viðnám, þétta og spennugjafa með hliðsjón af lögmáli Kirchoffs
reikna út segulsvið og skilja stefnur segulsviðslína ásamt áhrifum á umhverfi þess
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra inntak og úttak riðstraumsrafala og breytingar á spennu í mismunandi spennubreytum
tengja saman efnisþætti og beita skipulegum aðferðum við úrlausn einfaldra viðfangsefna
sýna sjálfstæði í vinnubrögðum og bera ábyrgð á eigin námsframvindu
greina, hagnýta og meta upplýsingar í margskonar formi (töluðu, rituðu eða myndrænu)
framkvæma verklegar æfingar, vinna úr þeim, meta og útskýra niðurstöður þeirra
vinna með rafrásir, hvernig spennugjafar, mælar og tæki eru tengd og hvað beri að varast í tengslum við rafmagn, sér í lagi hvað varðar háspennu, lekastraum og jarðtengingu
fjalla um innra viðnám, rafmagnsframleiðslu, rafala og vatnsaflsvirkjanir
yfirfæra þekkingu úr öðrum greinum s.s. stærðfræði við lausn verkefna
nýta námsefni og gögn á markvissan hátt
tengja eðlisfræðina við daglegt líf og umhverfi og gera sér grein fyrir notagildi hennar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.