Fjallað er um nokkrar aðferðir sem notaðar eru til að draga tölfræðilegar ályktanir. Nánar tiltekið verður rætt um notkun normaldreifinga og t-dreifinga til að finna öryggisbil og prófa tilgátur. Jafnframt er kynnt notkun kí-kvaðrat prófunar (Chi-square), dreifigreiningar og aðhvarfsgreiningar.
Vinna einkennist af einstaklings- og samvinnuverkefnum. Verkefni eru að hluta unnin með aðstoð vasareikna og nemendur fá að kynnast því hvernig nota má tölvuforrit og/eða töflureikni til að leysa dæmi eins og þau sem unnið er með í áfanganum. Í áfanganum er lögð áhersla á skipulögð vinnubrögð, röksemdafærslur og nákvæmni í framsetningu við lausn verkefna í stærðfræði.
STÆR2LT05 eða sambærilegur áfangi á 2. þrepi.
Nemandi skal hafa öðlast þekkingu og skilning á:
normaldreifðri úrtaksdreifingu
öryggisbili og öryggismörkum
tilgátuprófunum
t-prófum, kí-kvaðrat-prófum og dreifigreiningu
línulegri aðhvarfsgreiningu og fylgni
Nemandi skal hafa öðlast leikni í að:
reikna öryggisbil og túlka niðurstöður gera grein fyrir niðurstöðum slíkra útreikninga
setja fram tilgátu og gera á henni viðeigandi tölfræðilegt próf
reikna fylgni
reikna jöfnu bestu línu og spá á grundvelli hennar.
túlka fylgnistuðla
nota ýmis tölfræðipróf t.d. t-próf, kíkvaðrat-próf og F-próf
Nemandi skal geta hagnýtt þá almennu þekkingu og leikni sem hann hefur aflað sér til að:
skilja og meta með gagnrýnum hætti tölfræðlegar upplýsingar í fjölmiðlum og fræðiritum
finna kerfisbundið aðferðir til að greina mismunandi tölulegar upplýsingar
vinna úr tölulegum upplýsingum með aðferðum ályktunar tölfræði og útskýra niðurstöður þeirrar vinnu
fjalla um tölfræði almennt og ályktunartölfræðileg viðfangsefni sérstaklega
nýta sér tölfræðileg forrit við gagnavinnslu, prófanir og ályktanir
fylgja og skilja röksemdafærslu í mæltu máli og í texta
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.