Það kom upp villa senda inn  Áfangi

    Áfangi Nánari upplýsingar


    Búið til: 1424855498.57

    Hagnýt algebra og rúmfræði
    STÆF2TE05(AV)
    6
    Stærðfræði
    algebra, rúmfræði, tugveldi, veldareikningur
    Samþykkt af skóla
    2
    5
    AV
    Í áfanganum er lögð áhersla á skilning á; tölum, talnamengjum, fallhugtakinu og hagnýtingu þess, færni í algebru, notkun velda- og vaxtareiknings, tugveldarithætti og Evklíðskri rúmfræði. Kynnt er hvernig nota má föll til að leysa hagnýt verkefni og færa fyrirbrigði á sviði viðskipta-, náttúru- og samfélagsfræði í stærðfræðilegan búning. Nemandinn beitir þekkingu sinni við lausn flóknari dæma en áður. Lögð er áhersla á að nemandinn þjálfist í skipulögðum vinnubrögðum, nákvæmni í framsetningu við lausn verkefna og röksemdarfærslu.
    Að hafa lokið grunnskóla með fullnægjandi hætti að mati skólans.
    Nemandi skal hafa öðlast þekkingu og skilning á:
    • algengum reiknireglum
    • deilanleika út frá frumþáttun
    • veldareglum, venslum velda og róta
    • fyrsta og annars stigs jöfnum og ójöfnum
    • hugtökum Evklíðskrar rúmfræði
    • hlutföllum lengda, flatarmála og rúmmála
    • margliðum, fleygboga og hornaföllum
    • vaxtareikningi og flóknari prósentureikningi
    Nemandi skal hafa öðlast leikni í að:
    • setja viðfangsefni fram á táknmáli stærðfræðinnar og túlka niðurstöður
    • frumþátta, rita tölur með tugveldarithætti og beita velda- og rótareglum
    • leysa annars stig jöfnur og algebrubrot
    • beita Evklíðskri rúmfræði og vinna með hnitakerfi í sléttum fleti
    • nota vísindavasareikna við lausn dæma og þrauta
    Nemandi skal geta hagnýtt þá almennu þekkingu og leikni sem hann hefur aflað sér til að:
    • rökræða um stærðfræðileg viðfangsefni við aðra
    • setja úrlausnir sínar fram skriflega á skiljanlegan og snyrtilegan hátt
    • þýða margs konar verkefni á stærðfræðimál og setja þau upp sem jöfnu eða annað stærðfræðilegt viðfangsefni
    • meta hvort svör eru raunhæf
    • skilja merkingu helstu stærðfræðitákna og hugtaka í námsefninu
    • vinna sjálfstætt með aðferðir í stærðfræði
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.