Unnið er sem fyrr með málfærniþættina lesskilning, hlustun, ritun og tal. Áherslan er á áfram á nánasta umhverfi nemandans og þeir vinna með ýmis þemu tengdu því t.d. mat,
heimilið, tísku, listir og skólann. Í tengslum við þessi þemu er siðum og samskiptavenjum í þýskumælandi löndum fléttað inn í kennsluna. Nemendur tileinka sér ný málfræðiatriði og orðforði aukinn enn frekar.
ÞÝSK1TM05
Nemandi skal hafa öðlast þekkingu og skilning á:
þeim orðaforða sem nauðsynlegur er til að mæta hæfniviðmiðum áfangans
ólíkum textagerðum og geti greint mun á skrifuðu og töluðu máli
meginatriðum þýskrar málfræði
grundvallarþáttum málkerfisins
öllum helstu framburðarreglum þýskunnar
menningu og mannlífi þýskumælandi landa og þekki helstu samskiptavenjur
Nemandi skal hafa öðlast leikni í að:
skilja lykilatriði texta t.d. blaða- og bókmenntatexta með meiri orðaforða en áður og vinna úr þeim á mismunandi hátt eftir tilgangi lestursins hverju sinni
skilja talað mál um almenn kunnugleg efni og fyrirmæli kennara
greina aðalatriði í kvikmynd þegar fjallað er um afmörkuð efni
taka þátt í samræðum um þekkt efni og tjá skoðun sína um athæfi hversdagsins með því að beita kurteisis- og málvenjum við hæfi og geta spurt og svarað spurningum
halda stutta kynningu á undirbúnu efni þar sem tungumálinu er beitt samkvæmt getustigi áfangans
rita styttri texta um þekkt efni (útdrátt, umsögn, myndalýsingar) og geta tjáð skoðanir og ályktanir skriflega
beita málfræði- og málnotkunarreglum úr fyrri áföngum
hafa öðlast öryggi í notkun upplýsingatækni og hjálpargagna
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig á tiltölulega einfaldan hátt, munnlega og skriflega um þekkt málefni og geta sagt frá skoðunum sínum og reynslu á flóknari hátt en áður
bjarga sér á þýsku við hversdagslegar aðstæður í almennum samskiptum
skilja aðalatriðin í mismunandi frásögnum og textagerðum og geta dregið ályktanir ef efnið er kunnuglegt
geta metið eigið vinnuframlag og annarra
Námsmat er útfært í kennsluáætlunum í samræmi við skólanámsskrá.