Lagður er grunnur að vinnubrögðum í stærðfræði, nákvæmni í framsetningu, röksemdafærslum og lausnum verkefna og þrauta. Fjallað er um bókstafareikning, jöfnur, hnitakerfið, beina línu og prósentur.
Grunnskólapróf
Nemandi skal hafa öðlast þekkingu og skilning á:
náttúrlegum, heilum og ræðum tölum og aðgerðum á þeim
undirstöðuatriðum algebru
lausnum á jöfnum
óuppsettum jöfnum
reikniformúlum
talnahlutföllum, einingaskiptum, skiptireikningi, prósentum og vöxtum
rétthyrndu hnitakerfi í sléttum fleti
jöfnu beinnar línu.
Nemandi skal hafa öðlast leikni í að:
nota hlutföll og brot í útreikningum
reikna prósentur
skilja samhengi talna og bókstafareiknings (algebru), s.s. að liða og þátta
leysa jöfnur með einni óþekktri stærð og tveimur óþekktum breytistærðum
nota rétthyrnt hnitakerfi til að lýsa samhengi breytistærða og til að setja fram jöfnu fyrir beina línu í hnitakerfi.
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar og vinna á skipulegan hátt ...sem er metið með... verkefnum/prófum
útskýra hugmyndir sínar og verk ...sem er metið með... verkefnum/prófum
fylgja fyrirmælum sem gefin eru ...sem er metið með... verkefnum/prófum
lesa úr stærðfræðilegum upplýsingum ...sem er metið með... verkefnum/prófum
beita skipulegum aðferðum við lausn verkefna sem tengjast námsefninu ...sem er metið með... verkefnum/prófum.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggist á verkefnum sem nemendur vinna í kennslustundum og utan þeirra, skriflegum prófum sem lögð eru fyrir nemendur (bæði kaflaprófum yfir önnina og yfirlitsprófi í lok hennar) auk virkni nemenda í kennslustundum.