Lagður er grunnur að vinnubrögðum í stærðfræði, nákvæmni í framsetningu, röksemdafærslum og lausnum verkefna og þrauta. Fjallað er um bókstafareikning, jöfnur, hnitakerfi, jöfnu beinnar línu, rúmfræði og hornaföll.
Grunnskólapróf
Nemandi skal hafa öðlast þekkingu og skilning á:
undirstöðuatriðum algebru
lausnum á jöfnum
reikniformúlum
talnahlutföllum og prósentum
rétthyrndu hnitakerfi
jöfnu beinnar línu
frumhugtökum rúmfræðinnar
línum og hornum í þríhyrningi
flatarmáli og rúmmáli
einslögun
Pýþagórasarreglu
hornaföllum í rétthyrndum þríhyrningi
sinus og cosinus reglunum.
Nemandi skal hafa öðlast leikni í að:
nota hlutföll í útreikningum
skilja samhengi talna og algebru, liða og þátta
setja upp og leysa verkefni sem fela í sér jöfnur
nota rétthyrnt hnitakerfi og setja fram jöfnu fyrir beina línu
reikna rúmmál og flatarmál allra helstu forma
nota hornaföll í útreikningi á þríhyrningum.
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar og vinna á skipulegan hátt ...sem er metið með... verkefnum/prófum
útskýra hugmyndir sínar og verk ...sem er metið með... verkefnum/prófum
fylgja fyrirmælum sem gefin eru ...sem er metið með... verkefnum/prófum
lesa úr stærðfræðilegum upplýsingum ...sem er metið með... verkefnum/prófum
beita skipulegum aðferðum við lausn verkefna sem tengjast námsefninu ...sem er metið með... verkefnum/prófum.
Í áfanganum er gert ráð fyrir leiðsagnarmati sem byggir á því að nemandinn fái með reglulegum og skipulegum hætti upplýsingar um hvernig hann stendur í náminu. Námsmat byggist á verkefnum sem nemendur vinna í kennslustundum og utan þeirra, skriflegum prófum sem lögð eru fyrir nemendur (bæði kaflaprófum yfir önnina og yfirlitsprófi í lok hennar) auk virkni nemenda í kennslustundum.