Í áfanganum er fjallað um helstu kenningar og rannsóknaraðferðir greinarinnar. Tengsl einstaklinga og samfélags eru skoðuð og greind í ljósi ólíkra kenninga. Í áfanganum er farið vítt og breitt yfir svið félagsfræðinnar og nemendur fá þjálfun í að beita félagsfræðilegu innsæi. Bornar verða saman eigindlegar og megindlegar rannsóknaraðferðir og tengsl þeirra við kenningar. Nemendur fá þjálfun í að beita rannsóknaraðferðum og fylgja vísindalegu rannsóknarferli.
Áhersla er lögð á að nemandinn öðlist dýpri skilning á hugtökum en áður, setji þau í fræðilegt samhengi og tengi við umhverfi og reynsluheim sinn. Nemandinn er þjálfaður í að beita sjálfstæðum og öguðum vinnubrögðum.
FÉLA2FA05 eða sambærilegur áfangi
Nemandi skal hafa öðlast þekkingu og skilning á:
sjónarhornum félagsfræðinnar
samskipta-, samvirkni- og átakakenningum
megindlegum og eigindlegum rannsóknaraðferðum
helstu hugtökum aðferðafræðinnar
Nemandi skal hafa öðlast leikni í að:
tengja saman rannsóknarniðurstöður og kenningar
beita kenningum og hugtökum á mismunandi viðfangsefni
beita rannsóknaraðferðum á mismunandi viðfangsefni
taka fræðilega afstöðu til samfélagslegra álitamála
Nemandi skal geta hagnýtt þá almennu þekkingu og leikni sem hann hefur aflað sér til að:
sjá félagsleg efni út frá mismunandi sjónarhornum félagsfræðinnar
leggja mat á rannsóknir í félagsvísindum
leggja mat á hvaða rannsóknaraðferðir henta best
meta eigið vinnuframlag
setja fram þekkingu sína í ræðu og riti
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.