alþjóðlegt samhengi, kynjahlutverk og íslam, ríki Miðausturlanda
Samþykkt af skóla
3
5
AV
Fjallað er um tilurð ríkja í Miðausturlöndum eftir fyrri heimsstyrjöld og aðkomu Evrópuríkja og Bandaríkjanna að málefnum þessa heimshluta. Þá er fjallað um íslam, upphaf, þróun og sögu þessara trúarbragða og samspil við stjórnmál í gegnum tíðina. Þá verða kannaðar orsakir fyrir deilum Ísraela og Palestínuaraba og ljósi varpað á stöðuna eins og hún blasir við nú um stundir. Staða kvenna í Miðausturlöndum verður sérstaklega skoðuð og jafnframt hugað að málefnum múslimskra kvenna í Evrópu í dag. Þá verða kannaðar ástæður fyrir uppgangi ýmissa “herskárra” hópa í Miðausturlöndum og hugað að fyrirbærinu ”íslamsvæðing” í Evrópu og víðar. Þá verða skoðaðar helstu ástæður fyrir árásunum á Bandaríkin 11. september 2001 og svar þeirra við þeim. Að lokum verður fjallað um stöðu Bandaríkjanna í alþjóðastjórnmálum í dag. Áhersla á að tengja námsefnið reynsluheimi nemanda, auka víðsýni hans, rökhugsun og sjálfstæð og öguð vinnubrögð.
SAGA2SÍ05 eða sambærilegur áfangi
Nemandi skal hafa öðlast þekkingu og skilning á:
tilurð og orsökum fyrir uppskiptingu Miðausturlanda eftir fyrri heimsstyrjöld
samspili trúar og stjórnmála í þessum heimshluta
helstu átökum þessa heimshluta á 20. öld til nútímans, m.a. deilu Ísraela og Palestínuaraba
hinum ýmsu hópum og samtökum sem á Vesturlöndum eru skilgreindir sem “öfgasamtök” og/eða “hryðjuverkasamtök”
helstu vandamálum sem við er að glíma varðandi innflytjendur í Evrópu, einkum frá hinum íslamska heimi
mismunandi stöðu kvenna í hinum íslamska heimi
stöðu Bandaríkjanna í alþjóðlegu samhengi og viðbrögð þeirra við hryðjuverkaárásum 11. sept. 2001
Nemandi skal hafa öðlast leikni í að:
greina orsakir fyrir átökum í Miðausturlöndum
nota fræðileg vinnubrögð við þekkingaröflun sína
nota fjölbreyttar aðferðir til að miðla þekkingu sinni á efni áfangans
meta átök í þessum heimshluta út frá eigin forsendum og skilningi
lesa fræðilega texta á íslensku og ensku og túlka merkingu þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra orsakir átaka í Miðausturlöndum
skilja betur aðstæður fólks í þessum heimshluta í dag og átta sig á tengslum fortíðar við nútímann
útskýra árekstra sem orsakast af ólíkri menningu
miðla sögulegum álitaefnum á skýran hátt í ræðu og riti
taka þátt í skoðanaskiptum og rökræðum með jafningjum um þau álitaefni sem tekin eru fyrir í áfanganum
nýta sér upplýsingatækni í þekkingarleit og miðlun þekkingar á gagnrýninn og skapandi hátt
beita gagnrýninni hugsun á viðfangsefni sögunnar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.