kennismiðir, samskipti og skóli, uppeldis- og menntunarfræði
Samþykkt af skóla
2
5
AV
Í áfanganum er lögð áhersla á kynningu á fræðigreininni uppeldis- og menntunarfræði, fjallað um sögu og hagnýtingu. Hugtakið uppeldi er tekið til umræðu og gildi uppeldis fyrir einstakling og samfélag. Mismunandi viðhorf til mannlegs eðlis eru skoðuð í ljósi mismunandi viðhorfa til uppeldis og menntunar í Evrópu síðustu aldir. Nemendur kynnast hugmyndafræði og uppeldisaðferðum nokkurra þekktra uppeldisfræðinga sem hafa haft áhrif á uppeldis- og skólastarf í Evrópu. Þeirra á meðal eru Rousseau, Vygotsky, Fröbel, Margrét Pála, Montessori og Dewey. Nemendur læra um þroskaferil barna og unglinga, áherslur á þróun sjálfsins, vitsmuna-, siðgæðis- og félagsþroska. Má þar nefna Piaget, Freud, Kohlberg og Selman. Fjallað verður um kynhlutverk og helstu birtingamyndir s.s. í fjölskyldum, fjölmiðlum, auglýsingum o.s.frv. Mikilvægi hreyfingar, næringar og svefns fyrir börn og unglinga. Samskipti og breytingar í lífi fjölskyldunnar eru skoðaðar og samskipti almennt t.d. í vinahópum, íþróttafélögum og skólum. Mikilvægt er að nemandinn fái þjálfun í sjálfstæðum vinnubrögðum við að leita upplýsinga, vinna úr gögnum, kynna niðurstöður skriflega og/eða munnlega, einnig er lögð áhersla á samvinnu.
engar
Nemandi skal hafa öðlast þekkingu og skilning á:
jákvæðum og uppbyggjandi samskiptum
gildi uppeldis fyrir einstakling og samfélag
aðalatriðum í sögu uppeldis og menntunar
grundvallarhugmyndum nokkurra uppeldisfræðinga
leiðum til að útskýra þroskaferil barna
kynhlutverkum og áhrifum samfélagsmiðla
mikilvægi alhliða hreyfingar og heilbrigðra lífshátta
mikilvægi jákvæðra samskipta í fjölskyldum og samfélaginu almennt
meginþáttum í leikskólastarfsemi
Nemandi skal hafa öðlast leikni í að:
miðla eigin hugmyndum um uppeldi
meta ólík sjónarmið til uppeldisaðferða
greina áhrif auglýsinga, kvikmynda, tónlistar o.fl. á hugmyndir um staðalmyndir og kynhlutverk
skoða mismunandi framboð á íþrótta- og tómstundastarfi fyrir börn og unglinga
greina vandamál sem koma upp í samskiptum barna, unglinga og fullorðinna
skoða innra starf leikskóla
Nemandi skal geta hagnýtt þá almennu þekkingu og leikni sem hann hefur aflað sér til að:
leggja gagnrýnið mat á hvað er líklegt til árangurs í uppeldi barna og unglinga
hagnýta þær kenningar sem fjallað hefur verið um og sett fram í raunhæfum verkefnum
yfirfæra umfjöllun um áhrif samfélagsmiðla á eigið líf
leysa þau vandamál sem upp geta komið í samskiptum á ábyrgan hátt og setja sig í spor annarra
taka þátt í málefnalegum umræðum um uppeldi og færa skýr rök fyrir afstöðu sinni
meta eigin frammistöðu og vinnuframlag sem og annarra á gagnrýninn hátt og setja fram þekkingu sína í ræðu og riti
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.