Byrjunaráfangi þar sem megináhersla er lögð á að nemandinn tileinki sér undirstöðuatriði tungumálsins. Nemandinn er markvisst þjálfaður í lesskilningi á hagnýtum orðaforða til að geta lesið og skilið einfaldan texta um kunnugleg efni. Lögð er áhersla á lesskilningsþjálfun s.s. tal, hlustun og ritun, með það að markmiði að nemandi verði sjálfbjarga við sérstakar aðstæður og geti spurt og svarað einföldum spurningum. Áhersla er lögð á réttan framburð, markvissa og reglulega uppbyggingu orðaforða og grunnatriði málnotkunar. Menning spænskumælandi landa er fléttuð inn í áfangann. Gagnkvæm virðing og umhyggja er höfð að leiðarljósi í kennslutímum. Áfanginn krefst þess að nemandinn geri sér grein fyrir eigin ábyrgð á náminu og sýni sjálfstæð vinnubrögð og nemendum er kennt að nota upplýsingatækni og önnur hjálpargögn í áfanganum.
engar
Nemandi skal hafa öðlast þekkingu og skilning á:
grundvallaratriðum málkerfisins
almennum orðaforða sem hæfir hæfniviðmiðun þessa áfanga
tungumálinu og útbreiðslu þess
mannlífi, menningu og siðum í þeim löndum þar sem tungumálið er talað
Nemandi skal hafa öðlast leikni í að:
tjá sig skriflega og munnlega um það sem tengist honum náið
lesa texta um efni sem hann þekkir og tileinka sér ný orð í textanum
skilja einföld fyrirmæli og helstu kveðjur og kurteisisávörp
skilja einföld samtöl
skilja þegar talað er um tölur og tímasetningar
nota upplýsingatækni og önnur hjálpargögn í tungumálanámi
bjarga sér við sérstakar aðstæður
Nemandi skal geta hagnýtt þá almennu þekkingu og leikni sem hann hefur aflað sér til að:
gera sig skiljanlegan um einföld atriði
vera sjálfbjarga við sérstakar aðstæður
spyrja til vegar
spyrja og svara einföldum spurningum
segja frá daglegum athöfnum
auka meðvitund um eigin leiðir til að tileinka sér tungumálið
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.