Framhaldsáfangi þar sem áframhaldandi áhersla er lögð á að nemandinn bæti við undirstöðuatriði tungumálsins. Þjálfun í lesskilningi aukin ásamt dýpkun á samskiptaþáttunum tali, hlustun og ritun. Markvisst er bætt við orðaforða og málnotkun aukin, þar sem áhersla er lögð á réttan framburð og skilning þannig að nemandi m.a. lesið og skilið stutta texta, tjáð sig skriflega og munnlega um efni sem tengjast athöfnum daglegs lífs. Hluti námsins er kynning á siðvenjum þýskumælandi landa með sérstöku tilliti til jafnréttis og sköpunar. Áhersla er lögð á frumkvæði nemandans og að hann beri ábyrgð á eigin námi.
ÞÝSK1RL05 eða sambærilegur áfangi
Nemandi skal hafa öðlast þekkingu og skilning á:
viðeigandi orðaforða áfangans
grundvallarþáttum þýska málkerfisins
framburði
samskiptavenjum, menningu og siðvenjum þýskumælandi þjóða
Nemandi skal hafa öðlast leikni í að:
skilja fyrirmæli og setningar sem tengjast daglegum athöfnum
skilja leiðbeiningar og fyrirmæli
skilja þegar fjallað er um atburði daglegs lífs
skrifa stutta texta í nútíð, framtíð og liðinni tíð
óska eftir og geta veita upplýsingar
greina lykilatriði í texta
tjá sig skriflega og munnlega um kunnugleg efni
Nemandi skal geta hagnýtt þá almennu þekkingu og leikni sem hann hefur aflað sér til að:
nýta viðeigandi mál- og samskiptavenjur við mismunandi aðstæður
útskýra siðvenjur þýskumælandi landa
koma á framfæri eigin skoðun, þekkingu og tilfinningum
velja námsaðferðir við hæfi
meta eigið vinnuframlag og framfarir í málinu
sýna aga, metnað, sjálfstæð vinnubrögð og jákvæðni
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.