Í áfanganum er lögð áhersla á að nemandi auki þekkingu og skilning á umhverfi sínu, áhrifum mannsins á náttúruna og sjálfbærni í nútíma þjóðfélagi ásamt því að verða meðvitaðri um órjúfanleg tengsl einstaklings og náttúru. Nemandinn kynnist helstu atriðum og hugtökum náttúruvísindagreina, hvernig þau tengjast daglegu lífi og þjálfast í að nýta sér upplýsingar. Nemandinn gerir sér grein fyrir mikilvægi auðlinda og þroskar með sér vitund um landnýtingu, nýtingu sjávar og umhverfisvæna orkuöflun. Áhersla er lögð á að vekja áhuga, efla þekkingu og ábyrgðarkennd nemandans gagnvart náttúrunni. Um er að ræða verkefnabundið nám með áherslu á samvinnu og frumkvæði og nemandinn rannsakar viðfangsefni áfangans hverju sinni á gagnrýninn og skapandi hátt.
engar
Nemandi skal hafa öðlast þekkingu og skilning á:
nánasta umhverfi sínu
áhrifum mannsins á náttúruna
helstu hugtökum náttúruvísinda
mikilvægi sjálfbærni í samfélagi sínu
auðlindanýtingu og umhverfisvænni orkuöflun
Nemandi skal hafa öðlast leikni í að:
lesa og skilja texta, myndrit og kort af ýmsu tagi
afla sér upplýsinga um umhverfi sitt
meta upplýsingar á gagnrýninn hátt
nota hugtök náttúruvísinda í daglegu lífi og framkvæma einfaldar tilraunir
miðla upplýsingum og skoðunum í ræðu og riti
skilja samspil manns og náttúru
Nemandi skal geta hagnýtt þá almennu þekkingu og leikni sem hann hefur aflað sér til að:
miðla hæfni sinni á skapandi hátt
bera virðingu fyrir skoðunum og lífsgildum annarra
vera virkur og ábyrgur þátttakandi í lýðræðissamfélagi
vera meðvitaður um margvíslegar auðlindir náttúrunnar
skilja hvernig vistkerfi jarðar setur manninum takmarkanir
meta gildi upplýsinga um umhverfi og náttúru á gagnrýninn hátt
bera virðingu fyrir umhverfi sínu og náttúru
nýta sér margvíslega tækni í þekkingarleit
þekkja stöðu Íslands í umhverfismálum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.