Lögð er áhersla á að nemendur kynnist afþreyingarbókmenntum, einkennum, formi, útbreiðslu og vinsældum þeirra. Nemendur lesa nokkur slíkt verk og rannsaka þau. Gert er ráð fyrir ýmiss konar verkefnavinnu, munnlegri og skriflegri. Lögð er áhersla á sjálfstæð og vönduð vinnubrögð.
Bókmenntir/ritun: Nemendur kynna sér fjölbreytt afþreyingarverk, formúlur, persónusköpun og hvernig þjóðfélagið endurspeglast í þessum verkum. Unnin eru fjölbreytt verkefni.
Málnotkun og málsnið: Nemendur athuga málfar, málsnið og málnotkun í afþreyingarbókmenntum og bera saman við aðra texta.
Framsögn: Nemendur kynna niðurstöður sínar. Gert er ráð fyrir að allir nemendur taki þátt í umræðum og geti rökstutt mál sitt.
Lágmark 7 á grunnskólaprófi eða ÍSLE1DE05/ÍSLE1LR05 (5 ein.)
Nemandi skal hafa öðlast þekkingu og skilning á:
inntaki og einkennum þeirra verka sem lesin eru
afþreyingarbókmenntum í sögulegu ljósi
siðferðisgildum bókmenntagreinarinnar
áhrifum bókmenntagreinarinnar á menningu í nútímanum
málfari og orðaforða afþreyingarbókmennta
byggingu og formi afþreyingarbókmennta
Nemandi skal hafa öðlast leikni í að:
beita gagnrýninni hugsun við vinnslu verkefna þar sem skoðanir hans koma fram
nota á markvissan hátt viðeigandi hjálpargögn við frágang ritsmíða
draga saman og nýta upplýsingar úr ýmiss konar heimildum og tengja við eigin skoðanir
flytja af nokkru öryggi niðurstöður sínar frammi fyrir hópi
lesa sér til gagns bókmenntaverk ásamt fræðitextum um afþreyingarbókmenntir
Nemandi skal geta hagnýtt þá almennu þekkingu og leikni sem hann hefur aflað sér til að:
vinna skapandi verkefni í tengslum við menningu og þjóðfélag sem afþreyingarbókmenntir eru sprottnar úr
beita skýru og lýtalausu máli í ræðu og riti
taka þátt í málaefnalegum umræðum, byggja upp skýra röksemdafærslu, tjá afstöðu og efasemdir um efni og komast að niðurstöðu
túlka texta afþreyingarbókmennta og greina merkingu undir yfirborðinu
átta sig á bókmenntagreininni í tengslum við aðrar bókmenntagreinar