Í áfanganum er unnið með þjóðararfinn og tengingu hans við nútímann. Lesin er Íslendingasaga, hluti Snorra-Eddu, Eddukvæði og dróttkvæði. Áhersla er lögð á að skoða hvernig sögurnar eru notaðar í dag, s.s. í teiknimyndagerð, kvikmyndum, sögum og tölvuleikjum.
Lágmark 7 á grunnskólaprófi eða ÍSLE1DE05/ÍSLE1LR05 (5 ein)
Nemandi skal hafa öðlast þekkingu og skilning á:
inntaki og einkennum þeirra verka sem lesin eru
orðaforða til að skilja íslenskt mál og beita í ræðu og riti
mismunandi tegundum bókmennta og nytjatexta
grunnhugtökum í bókmenntafræði
nokkrum lykilverkum íslenskra bókmennta og tengslum þeirra við nútímann
Nemandi skal hafa öðlast leikni í að:
lesa sér til gagns og gamans íslenskar bókmenntir, fjalla um inntak þeirra og tengja við nútímann
beita gagnrýninni hugsun
koma skoðunum sínum á framfæri á skýran og greinargóðan hátt
skilja og nota algeng stílbrögð í tal- og ritmáli
flytja af nokkru öryggi endursagnir, lýsingar og kynningar á efni áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
vinna skapandi verkefni í tengslum við námsefnið
sýna tilbrigði í málnotkun og styrkja eigin málfærni
beita skýru og blæbrigðaríku máli í ræðu og riti
taka þátt í málefnalegum umræðum, tjá skoðanir sínar og færa rök fyrir máli sínu