Í áfanganum er lögð áhersla á að nemendur kynnist verkum Halldórs Laxness. Nemendur lesa og kynna sér skáldsögur, smásögur, ljóð, leikrit og greinar eftir hann og vinna fjölbreytt verkefni í ræðu og riti.
10 einingar á 2. þrepi í íslensku
Nemandi skal hafa öðlast þekkingu og skilning á:
ritgerðarsmíð og heimildavinnu
helstu einkennum íslensks máls sem nýtast honum í ræðu og riti
orðaforða sem nægir til að lesa helstu verk íslenskrar bókmenntasögu
inntaki og einkennum nokkurra bókmenntaverka Halldórs Laxness
þróun Halldórs Laxness sem höfundar
helstu bókmenntastefnum sem tengjast viðfangsefninu
Nemandi skal hafa öðlast leikni í að:
vinna verkefni þar sem hann beitir gagnrýninni hugsun við úrvinnslu og kemur efninu á framfæri á skýran og vandaðan hátt í blæbrigðaríku máli
ganga frá texta til birtingar
veita og nýta uppbyggilega gagnrýni
skilja og nota stílbrögð og menningarlegar vísanir í tal- og ritmáli
nýta sköpunargáfu við vinnslu skapandi verkefna
sýna sjálfstæði í vinnubrögðum
Nemandi skal geta hagnýtt þá almennu þekkingu og leikni sem hann hefur aflað sér til að:
túlka og bera saman bókmenntaverk og setja þau í sögulegt samhengi
greina einkenni ákveðinna strauma í bókmenntaverkum
greina og túlka merkingu sem ekki liggur á yfirborðinu
skrifa skýran og vel uppbyggðan texta
velja ritstíl og framsetningu sem hæfir aðstæðum og viðtakendum
leggja mat á og efla eigin málfærni og annarra
tjá rökstudda afstöðu
taka virkan þátt í umræðum
Símat/leiðsagnarmat þar sem byggt er á fjölbreyttu námsmati