almenn líkams og heilsurækt, hreyfing í líkamsræktarsal
Samþykkt af skóla
1
1
AV
Í áfanganum er lögð áhersla á að nemandinn fái tilfinningu fyrir áhrifum hreyfingar á líðan sína, andlega og líkamlega og geti tileinkað sér almenna líkams- og heilsurækt. Í áfanganum er fjallað um þol og þolþjálfun og hvernig byggja megi upp og viðhalda þoli. Fjallað er um líkamsbeitingu við styrktarþjálfun og mikilvægi styrks fyrir stoðkerfi líkamans, ásamt fjölbreyttum þjálfunaraðferðum. Farið er yfir mikilvægi liðleika og liðleikaþjálfunar fyrir líkamann og áhrif liðleikaæfinga á vöðva og liðamót. Nemendur taka þátt í verklegum æfingum sem þjálfa alla þætti grunnþjálfunar og læra aðferðir til að meta eigin líkamsþrek.
engar
Nemandi skal hafa öðlast þekkingu og skilning á:
umgengni í líkamsræktarsal
líkamsbeitingu við dagleg störf
mikilvægi upphitunar og liðleikaþjálfunar
Nemandi skal hafa öðlast leikni í að:
þoli, uppbyggingu þess og mismunandi þolþjálfun
vinna í líkamsræktarsal án kennara eða þjálfara
taka þátt í almennri og sérhæfðri upphitun
taka þátt í markvissri og sérhæfðri þolþjálfun íþróttagreina
mæla þol, styrk og liðleika
taka þátt í hreyfingu og æfingum sem stuðla að bættri líkamsbeitingu
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja æfingaáætlun og vinna eftir henni í líkamsræktarsal
skipuleggja þjálfun fyrir sjálfan sig hvort heldur þol- eða styrktarþjálfun
rækta líkama sinn sjálfum sér til heilsubótar og ánægju
meta eigið þol, styrk og liðleika
afla sér einfaldra og hagnýtra upplýsinga um líkamsrækt
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.