Áfanginn er fyrir nemendur á leiklistarbraut og aðra sem áhuga hafa á leiklist og bókmenntum. Valin bókmenntaverk eru lesin. Nemendur fá þjálfun í að lesa, skilja, læra, flytja og semja texta.
ENSK3HR05
Nemandi skal hafa öðlast þekkingu og skilning á:
bókmenntum í hinum enskumælandi heimi, leikhefðum, höfundum og skáldum.
menningu í enskumælandi löndum.
stjórnmálum, fjölmiðlum og sögu og áhrifum þeirra á þjóðfélagsmótun í þeim löndum þar sem enska er töluð.
orðaforða sem gerir honum kleift að tileinka sér lesefni í áframhaldandi námi og starfi tengdu leiklist og bókmenntum.
Nemandi skal hafa öðlast leikni í að:
skilja vel texta á sviði leiklistar, s.s. lesefni, leiksýningar og leiklestur.
lesa sér til ánægju eða upplýsingar texta sem gera miklar kröfur til lesandans, hvað varðar orðaforða og uppbyggingu, myndmál og stílbrögð.
tjá sig af öryggi um málefni sem lúta að umfjöllun um bókmenntaverk, flutning þeirra og tjáningarmáta.
læra texta og flytja fyrir áhorfendur.
beita ritmálinu í mismunandi tilgangi, fræðilegum og persónulegum, með stílbrigðum og málsniði sem á við hverju sinni.
Nemandi skal geta hagnýtt þá almennu þekkingu og leikni sem hann hefur aflað sér til að:
meta með gagnrýnum hætti texta, listrænt gildi hans, túlkunarmöguleika o.fl.
nýta sér fyrirlestra, umræður og rökræður um bókmenntir og leiklist
átta sig á mismunandi málsniði og stíl í töluðu máli og undirliggjandi viðhorfum og tilgangi þess sem talar.
greina sögulegt, félagslegt, menningarlegt og/eða pólitískt samhengi í texta, s.s. í bókmenntaverkum og öðrum textum.
flytja vel uppbyggða frásögn, kynningu eða greinargerð.
nýta sér fræðitexta og meta heimildir á gagnrýninn hátt.
beita málinu svo hann geti tekið þátt í umræðum og rökræðum.
tjá tilfinningar, nota hugarflugið og beita myndmáli og stílbrögðum.