Hreyfing í tveimur víddum, hringhreyfing, bylgjuhreyfing og hrörnun geislavirkra efna
EÐLI3VB05(41)
None
eðlisfræði
bylgjur og hreyfing, varmafræði
í vinnslu
3
5
41
Í áfanganum er fjallað um gangfræði í tveimur víddum ásamt hringhreyfingu og sveiflu- og bylgjuhreyfingu og hrörnun geislavirkra efna. Í verkefnavinnu áfangans er lögð áhersla á nákvæmni í framsetningu, röksemdafærslu og notkun formúla. Eins og í fyrri áfanga er lögð áhersla á að nemandinn geri tilraunir þar sem hann kynnist lögmálum eðlisfræðinnar af eigin raun og noti tölvur við mælingar og úrvinnslu, riti verkbók og kunni að skrifa skýrslu um tilraunir. Í áfangamarkmiðum eru tilgreind verkefni sem miðað er við að nemendur vinni í tengslum við efni áfangans.
EÐLI2RF05(31) og STÆR3DF05(41)
Nemandi skal hafa öðlast þekkingu og skilning á:
þyngdarlögmáli Newtons og sambandi þess við 3. lögmál Keplers
sveiflum og bylgjum en í því felst að vita hvað einföld hrein sveifluhreyfing er
samliðun og bognum bylgna
ranghugmyndum um miðflóttakraft
alfa-, beta- og gammageislun
samruna tveggja léttra kjarna
Nemandi skal hafa öðlast leikni í að:
beita stærðunum hraða, hröðun og þyngdarhröðun
reikna falltíma og lárétta vegalengd sem hlutur fer ef honum er skotið með láréttum hraða úr ákveðinni hæð
reikna tíma hlutar á lofti og hversu langt hann fer þegar honum er skotið skáhallt upp með jöfnum hraða
reikna dæmi um afstæðan hraða
reikna þyngdarkraft sem verkar milli hluta, hraða hluta á braut um jörðu og reikistjarna á braut um sólu
reikna sveiflutíma, tíðni og hornhraða
teikna og gefa upp formúlu fyrir staðbylgju sem getur myndast í streng sem festur er í báða enda
lýsa bylgjubognun, eyðandi og styrkjandi samliðun og tilraun Youngs
reikna hraða hljóðs í gasi við mismunandi aðstæður
reikna styrk hljóðs sem fall af fjarlægð frá hljóðgjafa
umreikna milli hljóðstyrks og skynstyrks
teikna og lýsa röntgenlampa.
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir hreyfingu hluta í tveimur víddum ...sem er metið með... verkefnum/prófum
gera grein fyrir hringhreyfingu ...sem er metið með... verkefnum/prófum
útskýra og beita stærðunum radían, snertihraða, snertihröðun, miðsóknarhröðun og miðsóknarkrafti ...sem er metið með... verkefnum/prófum
útskýra hvað hljóð er ...sem er metið með... verkefnum/prófum
gera tilraun þar sem sveiflur strengs eru rannsakaðar ...sem er metið með... skýrslu
útskýra alfa-, beta- og gammahrörnun ...sem er metið með... verkefnum/prófum.
Í áfanganum er gert ráð fyrir leiðsagnarmati sem byggist á því að nemandinn fái með skipulegum og reglulegum hætti upplýsingar frá kennara um hvernig hann stendur í náminu. Meðal námsmatsþátta er skýrslugerð í kjölfar verklegra æfinga, heimadæmi, kaflapróf og lokapróf.