Viðfangsefni undanfarans eru rifjuð upp. Áfram er unnið að því að þjálfa nemendur enn frekar í framburði, lesskilningi, hlustun, tali og ritun. Orðaforði er aukinn og ný málfræðiatriði þjálfuð. Nemendur þjálfast m.a. í að tjá sig um liðna atburði og bjarga sér í einföldum, hversdagslegum aðstæðum
FRAN1FO05
Nemandi skal hafa öðlast þekkingu og skilning á:
þeim orðaforða sem þarf til að geta lesið, hlustað á, skilið og rætt um einföldustu atriði
helstu grundvallarþáttum franska málkerfisins
einföldum samskiptum og tjáningu í mæltu og rituðu máli
Frakklandi og frönskum málsvæðum ásamt einstökum þáttum franskrar menningar
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt, t.d. einfaldar leiðbeiningar, upplýsingar og fyrirmæli
skilja einfalda texta í nútíð og þátíð
fylgja söguþræði í mjög einföldum eða einfölduðum bókmenntatexta
afla sér einfaldra, hagnýtra upplýsinga og taka þátt í einföldum samræðum um efni sem hann þekkir með því að beita málsniði við hæfi
geta ritað stutta, einfalda texta í nútíð og þátíð
geta tjáð sig á einfaldan hátt um tilfinningar og viðhorf
Nemandi skal geta hagnýtt þá almennu þekkingu og leikni sem hann hefur aflað sér til að:
skilja talað mál um kunnuglegt efni ef talað er hægt og skýrt
skilja meginatriði í texta sem innihalda algengan orðaforða
tjá sig munnlega við tilteknar aðstæður og beita viðeigandi málsniði
miðla á einfaldan hátt eigin þekkingu, skoðunum, tilfinningum og persónulegri reynslu
rita einfalda texta um málefni og atburði í nútíð og þátíð
Skriflegt og munnlegt mat á málfærni, málnotkun og grunnþáttum í uppbyggingu málsins. Metin eru hópverkefni og ástundun